嫌同事加班時間少 網民不滿：住大埔返港島好遠咩？網民留言鬧爆｜網絡熱話
廣告
邊有打工仔想加班㗎？！住得遠既更加抗拒，但有時返工地點真係唔輪到自己選擇，有人要喺西九龍到東九龍返工，又有人要喺港島入新界返工，認真攞命。有網民投稿至「奴工處」Facebook專頁，話自己同事拍檔成日話自己住得遠所以唔OT，搞到佢做到死死吓，不過就被其他網友留言鬧爆。
撰文：Evita｜圖片：Facebook@奴工處、港鐵網站截圖、劇照
網民不滿同事加班時間少
有網友投稿至「奴工處」的Facebook專頁，話同個懶同事拍檔真系慘過死，仲話：「我日日OT做到隻狗咁，佢就O一陣就走，話自己住大埔遠。」
樓主話公司雖然喺銅鑼灣，但系大埔都系港鐵沿線，睇過車程只需49分鐘，更話自己住寶琳村都要去到最篤先有得落車，直斥同事系唔想做嘢想收工。
過百網民鬧爆：奴性太重了！
帖子一出已經引起百幾個網民留言回應，不過大家唔係話樓主個「唔OT同事」，而系鬧樓主！有網民就話「個個大埔人住火車站咩？」，「人哋唔OT就話人哋懶，奴性太重了」，「返工放工都要打金鐘同九龍塘兩個大佬，車程系咪真系51分鐘咁少？」等等。
撰文：Evita｜圖片：Facebook@奴工處，港鐵網站截圖
