銅鑼灣1,300呎打卡甜品店 招牌菠蘿包＋豬腳薑雪糕｜出街搵食
廣告
銅鑼灣Fashion Walk新開一間佔地1,300呎，新派甜品店，設計上強調大膽用色與超現實感覺，以突顯一系列天馬行空的美食主題。食物強調視覺效果，每款都造型搶眼，希望食客打卡之餘，食得又開心。其中有多款招牌鹹甜點，如菠蘿包、豬腳薑雪糕、雞頸肉煲仔飯、和一系列中式糖水。
撰文：Sakura 攝影：Issac
甜品店賣「真」菠蘿包 粒粒菠蘿做餡
eat darling eat是一家別具創意的中式甜品實驗室，廚師想將中式甜點作玩味變奏，招牌美食包括一系列中式糖水、蛋撻、菠蘿包及其他甜品主菜。其中想不到唔到新派甜品店都有菠蘿包食！餡料用上原粒菠蘿，再唧入吉士醬，十分豐富，入口creamy，酸酸甜甜好味！此菠蘿包只設外賣，不設堂食，大家要留意啊！
造型搶眼 中式糖水變西式甜品
店子的大廚Jason Luk來頭不少，曾在著名餐廳The Drawing Room、Zuma做過，擅長創作西日料理，這是就大玩中西Fusion甜品，以傳統的中式糖水做靈感，如木瓜雪耳糖水、果皮紅豆沙等，變奏成鮮豔亮麗的西式甜品，好吃又可以打卡！
趣怪雪糕口味！原塊煙肉、豬皮做配料
除了擺盤精緻的甜品，另外也有一系列的雪冰，即是雪糕口味。味道同樣玩味十足，如四川花椒、豬腳薑味，雪糕迷一定要挑戰一一下！
中西日Fusion鹹點 食材配搭新穎
雖然餐廳以甜品做主打，但同樣有數十款鹹點、主菜、意粉選擇，雖然是西式賣相，但大部分加入中式、日式元素，例如炸豆卜配香草之士醬、鹹魚鮮魷用來炒意粉，也大膽使用中式醬汁如磨豉醬、腐乳來做西餐，整體味道偏重口味，定價大部份數十元至百多元。
eat darling eat
地址：銅鑼灣記利佐治街11-19號Fashion Walk地下17號舖（顯示地圖）
電話：3188 8949
營業時間：星期日至四：11:30am-1:00am；星期五至六 ：11:30am-2:00am
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
