【出街搵食】旺角4千呎大牌檔主題中菜館 港式滷味＋豬油渣麵 ｜旺角美食｜

撰文：胡蚊 攝影：Day

女人街為名 大玩懷舊風

最近旺角通菜街的商廈就開了一間樓上鋪，沒有大肆宣傳，門口連個易拉架都沒有，紅絲絨牆襯金色龍鳳雕，加上白底紅字的招牌「女人街食飯公司」，單看門口造型已很搞笑。同時為了吸引後生仔，裝修上就花盡心機，閒日過了午市的繁忙時間，果然見到文青男女，帶住相機在大列「唐樓窗花」前擺甫留念，成功突破客路。

店面每幅牆都有不同場景，非常吸睛。玻璃櫥窗在扮「上海飛髮舖」；綠鐵閘掛住「麗姐雞鴨檔」；水泥牆上連七十年代最流行的「隨地吐痰乞人憎」告示都有，年輕顧客未必很有共鳴，但年過四十的父母輩來到，一定感覺親切。

港式大牌檔風味 滷味小吃吸引

想在香港飲食界殺出血路，單靠裝修不成。打開菜牌，選擇甚多，由咖喱水魷、港式滷味等街頭小食到碟頭飯、鑊氣小炒，甚至貴價龍蝦、老虎班都有供應，很多元化。著名的「長龍滷味店」的前員工亦加盟，多款高質港式滷味，鴨腎甘香、生腸爽脆、墨魚彈牙，入口冰凍，價錢雖然貴一點，但都值得。

豬扒煎蛋飯 厚切Juicy

別以為只得街頭小食，其實午市豬扒飯，這裡亦有賣，豬扒厚切，份量十足，而且煎得金黃，配上自家製的葱油、甜豉油和太陽蛋，賣相誘人，厚厚的豬扒咬落竟然有肉汁，配飯好食！不想吃飯，就可以試試香菇油渣蝦籽撈粗，平時食撈粗通常是豉油汁，老闆卻用上炆冬菇的醬汁，將上面的蝦籽撈勻，一啖入口，麵身爽脆，醬汁香甜濃郁帶冬菇的幽香，中間夾雜了香脆的豬油渣，食得出中間配搭的心思，令人食慾大開。

多款新舊小菜三度腩排＋古法鵝腸

小菜方面，不乏老派手工菜，好似功夫極多的焗魚腸，鯇魚腸完全不腥，入口食到獨有的魚油甘香，加上鋪面的油炸鬼，下飯最好！另一款懷舊菜冰鮮鵝腸，爽口帶肥，吃到鵝油脂香，以古法煮出的豉油皇汁，再加入蠔油兜過，濃稠適中，帶鮮味，連墊底的芽菜都索盡醬汁，脆口好味。又好似平時食慣的糖醋排骨，師傅卻加入新意，以黑醋代替鎮江醋，將排骨換成啖啖肉的豬柳，成為外脆內香的「黑醋脆豬柳」，食起來味道似曾相識之餘又有新鮮感。

9成是老味道，卻有1成是新創菜式，比如士多啤梨三度腩排，原來是一層脂肪一層肉，共三層之多，入口既有油香，又有肉味，加上件件都包裹上薄薄的士多啤梨汁，酸甜開胃。

懷舊菜煮出新意

平時食慣的蝦多士，師傅卻加入新意，以黑松露沙律醬配搭鮮蝦，炸得金黃，吃起來又不覺油膩，麵包香脆，上面是原隻白蝦，蝦肉質地鮮爽，配黑松露沙律醬，香口得很。老闆經常諗頭多多，還結合中泰混合，如香辣肉碎海中蝦，將泰式辣肉碎結合在海蝦煲內，將肉碎的香辣逼入蝦肉中，味道刺激。遲些更會推出沙田乳鴿，德哥認為古法的生炸才夠酥香，寧願花點功夫提前將鴿醃好，即叫即炸，熱辣上碟才最好食。食得有點飽，可以飲杏汁燉豬肺湯，消滯解膩。

女人街食飯公司
地址：旺角通菜街1A-1L威達Deli2商業大廈1字樓B舖
電話：2685 1618
營業時間：星期一至日 11:30am-4:30pm、5:45pm-11:30pm(10:30pm截單）
備註：晚市設加一，收信用卡