陳自瑤全盛時期歷年靚相重溫！點解王浩信唔珍惜…

撰文：東方新地｜圖片：新傳媒、Instagram｜編輯：乖乖隆地洞＠central（原文刊於：東方新地）

陳自瑤 王浩信 最後大龍鳳

能共患難與富貴，並非人人都做得到，王浩信與陳自瑤(YoYo)近年多次傳婚變，空穴來風未必無因。YoYo婚前一直受無綫力捧，與王浩信結婚生女後，她甘願做個平凡花旦，睇住老公由三線攀上視帝之位，但夫婦之間距離卻愈來愈遠。為了王浩信的形象與發展機會，YoYo對老公在外的緋聞一直逆來順受，每次有負面新聞，她都願意企出來做大龍鳳，事實卻是有苦自己知。

為個女啞忍

今次二人再傳婚變，不少圈中人都不感意外，據知陳自瑤一直好想挽救段婚姻，自己幾唔開心都好，都陪Vincent出嚟硬撐，結果老公順利拎埋視帝，但關係就未見好轉。Vincent 表面上話想同YoYo 生多個又承諾帶佢去旅行，全部都係得個講字。YoYo為咗個女好唔忍心，亦畀咗好多次機會Vincent，可能聚少離多，佢終於諗通再勉強落去都係冇結果，所以一返香港就同Vincent講清楚，仲叫佢即刻搬走。

陳自瑤痛心控訴

六年半婚姻，只有陳自瑤單方面努力向前行，結果徒勞無功，上月底YoYo情傷爆煲，選擇在社交網連番出文作出絕望控訴，先說：「多麼忙不重要，忙甚麼才重要！一次重要的抉擇勝過千百次的努力！今天的生活是由三、五年前選擇決定的，而三、五年後的生活是由今天決定的。」而之後另一篇「圓規論」則講到「你為甚麼不能圓夢？因為心不定，腳不動。」所有言論似是衝著王浩信而來，暗示夫婦關係已不復再。

消瘦現身 否認婚變

本月9日陳自瑤現身公開活動否認婚變傳聞 ：「一直首先，冇提出過離婚；第二，我冇趕老公出門口；第三，我小朋友依然同我哋住一齊，好多各方面新聞，覺得唔係事實，亦覺得好笑。」

問到係咪已分居？陳自瑤話：「冇分居，(樓上樓下住？)其實係冇呢件事，不過可能係佢有個office，佢依家除咗拍戲工作外，仲有一啲生意，所以搵咗個地方做office，當然喺屋企唔方便，可能因為一件咁樣嘅事，令到大家有咁樣揣測。」即係樓上樓下？「係呀，我知道今日會見大家，所以咪希望一次過講，唔再再逐回應。」Yoyo拒用「恩愛」形容同王浩信夫妻關係，話只係「老夫老妻」。

陳自瑤歷年靚相重溫

王浩信家有嬌妻但緋聞多多，女士們怒罵佢用情唔專一，至於男士呢，都一致認為點解陳自瑤咁正，王浩信都唔珍惜！講番YoYo，雖然佢早已經唔係十八廿二，不過樣貌身材都keep得非常好，上圍豐滿、四肢纖幼、皮膚白滑，著泳衣邊有得輸？

索過年輕小花

陳自瑤入行多年，雖然講唔上係咩當紅姐仔，亦未有甚麼代表作，不過佢每當出席公開活動如頒獎禮或品牌活動等，都一定會盛裝打扮，輕易成為焦點，唔少年輕小花都被佢比下去！

2016年港姐及香港先生選舉晚上，YoYo一襲火紅色晚裝，加上極修身剪裁，盡顯其玲瓏浮凸的曲線！不過條裙實在係太窄，加上佢著住對目測有六吋的高踭鞋，可謂步步驚心！

YoYo出嚟影相時要不斷俯身整理裙襬，露出激深事業線，搞到佢非常尷尬！佢離開時面有難色，發出求救眼神，幸好當時老公王浩信伸出愛的援手，扶實愛妻！大家睇後面的龔嘉欣笑得幾開心？

2017年尾Yoyo出席TVB金禧晚宴暨2018節目巡禮錄，身穿性感繡花長裙，身形差少少都駕馭不到。

陳自瑤 那些年的模特兒

1981年出生的陳自瑤現年36歲，讀書時曾是校內校花，預科畢業後以模特兒身份出道，拍過唔少廣告。YoYo雖然又唔算係擁有驚為天人的美貌，但勝在清純可愛、笑容甜美，現今講法就係「貼地」的鄰家女孩。睇番YoYo多年前的模特兒照，又唔覺佢同依家有好大分別喎！

如果不告訴你，你可能會覺得以下4張是不是近排的活動照，但其實是10年前的呢！

10年前就已經十分可人。

《赤沙印記@四葉草.2》（2004）

2003年《四葉草》第一部反應咁好，無綫翌年推出《赤沙印記@四葉草.2》，今次劇集以沙灘排球為題材，女主角有楊秀惠、李思欣、陳自瑤等、男主角則為司徒瑞祈同蔡淇俊，不過呢兩位都已經離開大台。一班後生女著沙排look晒吓腰晒吓腿，當然好睇～

當年YoYo首次拍劇，劇中一身沙排look，紥住孖辮，迷倒不少少男，包括小編～YoYo又曾經喺網上舉行的「最美四葉女」選舉中排名第三，僅僅屈居於唐詩詠及龔嘉欣！

敵不過「七年之癢」？

至2011年11月，YoYo與年紀比自己小2歲的王浩信奉子成婚，於香格里拉大酒店舉行婚禮，兩人的愛女王靖喬在翌年出世。兩人近年多次傳出情變，今次離婚傳聞鬧得熱烘烘，難道真係敵不過「七年之癢」？