前員工爆最nice係馮盈盈 TVB臭串之王原來係呢位男星！

圖片：Instagram、TVB截圖 | 消息來源：連登｜編輯：師姐Blog開野@Central

前藝員爆最nice係馮盈盈？邊個係TVB臭串之王？

「大部分藝人都好Nice嘅包括⋯⋯」

回復你本來嘅真面目啦！究竟藝人嘅真實一面係點樣呢？前員工就話大部分藝人都好nice，當中最nice嘅就係FYY馮盈盈同「是非精」鄺潔楹喇！

農夫、Ali BB、翠如BB、蕭正楠、陳豪、心穎BB、江嘉敏、何遠東⋯⋯仲有《Think Big天地》同《學是學非》嘅一班女主持都幾nice㗎！

巴打口中香香亦都屬於「真心好有禮貌、好靚」嘅藝人。

幕後巴打總結對FYY嘅印象：「講嘢淫、feel到真心膠，幾好笑」極高評價，仲補多句：「真心正，至少覺得佢夠真！」

陳豪一向都真係出晒名好Nice，有前員工再次證實佢份人真心nice！

估佢唔到！汪阿姐都好Nice

據幕後巴打親身分享，原來就算人人都覺得佢「勁惡」嘅汪阿姐，其實都好好㗎：「只係佢做事認真啫！」

臭串男藝人 Top 2！

人人都話好nice，唔通個個都真係好nice咩？前員工就話最串嘅藝人包括有「21800000」，仲話初初入職時幫「21800000」戴咪，仲俾佢話：「你行開啦！」不過之後見得多，又覺得佢份人冇乜嘢，仲一齊傾波經！

前員工就話另一個最串嘅藝人係「Laughing Gor」，睇佢傾電話的方法就知佢幾串啦！

馬明也有爆煲時！

仲有個「一廠黎明」都好討厭，話佢份人扮晒嘢喎！另外「劉姓女星」同「胡姓女星」個格都麻麻地喎！最估唔到係人人都讚係好仔嘅馬國明，都有無啦啦發老脾嘅時候，不過前員工就話其實佢個人幾好㗎！

「戲屎男偽人」雙冠軍

對於「邊個戲屎、邊個有Potential」，曾經參與過唔少長篇劇嘅巴打都有唔少心得，例如依家被封殺嘅張繼聰就獲得正評「仲覺佢戲路好廣」，至於新上位的何遠東都算有potential；做咗 6年，覺得戲屎嘅藝人，巴打嘅答案就係⋯⋯

“成陣亞洲味、洪xx”

睇嚟又真係無乜懸念⋯⋯

「土申哥」真人係咪串柒柒？

有人想知坤哥真人係咪串柒柒，巴打就話「唔串、但好明顯扮傻」
至於「係咪扮毒食女？」巴打嘅回應就係：

“大家有眼睇”

吳卓羲真人衝唔衝動?

“好冷靜”

親身驗證「純品」女藝人

網民長期關心嘅「人生馬戲團」係咪傳說中咁純品呢？有人話覺得佢係偽人喎！阿前員工就咁答：「feel到真係純，好nice！」

「鏡頭前後好大反差」嘅女Artists：

Ali上鏡靚之餘，原來據呢位巴打講「真人再靚多一截」，但人品就⋯⋯

大台工作待遇是咁的：

雖然講到見識多人面廣，但原來待遇真係同外界所講一樣，認真麻麻，自爆喺大台工作咗 6 年、位職收音師嘅巴打表示，入職時人工Hk$6,400、離職就 HK$13,000 （聽d師兄講已經算多、未計OT），今時今日嘅入職薪酬大約係HK$9,000尾至HK$10,000頭；由於要跟進劇集拍攝，返工嘅時間都好唔定時，「試過最長朝早9點30、返到第日凌晨4點30」！雖然待遇一般，不過巴打自己都表示「喺大台你學嘢就實學到，前途就真係睇你好唔好彩」⋯⋯