8大食完即眼瞓食物！營養師教路：白飯＋沙律令人昏昏欲睡｜食是食非
廣告
開工開了半朝，終於等到放lunch！打工仔個個想食完再搏殺，但何解次次飯氣攻心，只想瞓覺？除了關天氣事，有可能係你食咗眼瞓食物！即睇8大食完會易眼瞓食物！
營養師話你知 8款食完眼瞓食物
眼瞓食物令人產生睡意，註冊營養師Gloria指，其實與血糖有關。如果身體血糖過低，便有睡意。此外，進食升糖指數高（如太容易消化或糖份高）的食物，血糖因為突然升高，身體會產生胰島素來抑制血糖，令腦部處於低糖狀態，令人昏昏欲睡。
1. 粟米肉粒飯
白飯、粟米和烹調用的生粉都是澱粉質，纖維不高，容易消化，令升糖指數高，容易疲累。
2.即沖麥皮
即沖麥皮在製作過程中已經被磨碎，很快被消化，故吃後很快覺肚餓，令人眼瞓。最好吃原粒麥皮，升糖指數較低。
3.雜菜沙律
雜菜沙律吃後會令人處於低血糖狀態，容易疲累。如果有澱粉質的食材如麵包粒、粟米或紅腰豆，吃後會令人精神一點。
4.提子麥包
別以為提子麥包很健康，其實麵糰加入了糖份，升糖指數很高。全麥成分也不高，纖維含量低，易消化，升糖指數高。
5.饅頭
由精製麵粉製成，因為加工的食物纖維量低，容易被消化吸收，而且製造過程加入砂糖，升糖指數比想像中高。
6. 果汁
包括冷壓果汁、detox果汁及一般鮮榨果汁，因只能提供短暫能量，飲後容易感到疲累。同時蛋白質及纖維低，很快感到肚餓。
7. 魚片粥
愈煮得耐的食物，愈易被消化，粥內的米飯已被煮溶，軟腍易吸收，魚片份量通常不多，沒有太多的蛋白質去阻擋血糖吸收，升糖指數更高。
8.腸粉
以加工過的黏米粉做，而加工愈多的食物，升糖指數愈高，另加甜醬會令血糖飆升。
澳洲註冊營養師，現於健營物理治療及營養中心執業。愛煮食、愛尋訪有「營」食肆和健康零食，最愛在facebook與大眾分享愈食愈fit的心得。反對節食，堅持減磅是飽住瘦。（圖片來源：Gloria Tse）
關鍵詞
食是食非
撰文：務研圖片來源：劇照、新假期編輯部、 Gloria Tse
