【自助餐放蛇起底組】佐敦酒店海鮮主題Buffet，85折任食紐西蘭生蠔 ＋8款海鮮＋11款Mövenpick

撰文：方中Snake 攝影：HER

海鮮主題Dinner Buffet 任食紐西蘭生蠔 ＋8款海鮮

自助餐由晚上6pm開始，可以食足3個半小時。今次的回本位是紐西蘭生蠔和多款海鮮，一到海鮮區，生蠔足足鋪滿一行，被夾光了等一會就有Refill，大量供應，可慢慢吃。生蠔雖不算大隻，但勝在蠔肉清甜爽口，亦有淡淡海水味，好易入口！不過美中不足的是記者試吃了5隻，有2隻都有小顆蠔碎，影響口感！

海鮮當晚共有8款，包括加拿大青口、藍青口、海蜆、蟹腳、凍蝦、翡翠螺、東風螺和小龍蝦，選擇豐富。記者覺得翡翠螺最好吃，有海水的鹹鮮，肉質肥美爽口，一定滿足到海鮮Fans！

紐西蘭生蠔鋪滿一整行，而且密密Refill。

生蠔入口清甜，肉質爽口。

8款海鮮：加拿大青口、藍青口、海蜆、蟹腳、凍蝦、翡翠螺、東風螺和小龍蝦均新鮮，記者最欣賞翡翠螺，充滿鹹鮮味。

刺身有三文魚、吞拿魚、鯛魚和八爪魚，雖不是由師傅即切，但Size都是厚切，口感一流，真心抵讚。吞拿魚鮮味是4款裡最突出，不錯。

三文魚、吞拿魚、鯛魚和八爪魚一共4款刺身。

三文魚刺身肥嘟嘟，好有口感。

熱盤有近四十款選擇，除洋葱焗蠔、炒時蔬、意粉、炒飯外，還有即切西冷扒和羊腿。多款燒烤食物，包括豬串骨、香腸、海鮮和菠蘿等。不夠飽肚的還有即煮意大利粉，可自選配料，大廚即場幫你炒起。

熱盤有焗生蠔

印度咖喱和香飯

即切慢煮紐西蘭草飼西冷扒和香草蒜蓉燒紐西蘭羊腿

燒烤類以肉食為主，包括豬肉串和香腸等。羊腿有咬口，羊膻味重。

即煮意大利粉可自選配料，有大蝦、蘑菇和草紅椒等。

Mövenpick雪糕車：11款雪糕任食

甜品最吸引的是有Mövenpick雪糕車，11款Mövenpick雪糕任食，可以叫店員一次過舀11款雪糕給你，超滿足！除大路的雲呢嗱、士多啤梨和朱古力味外，還有椰子朱古力、乳酪、特濃咖啡、冧酒提子、熱情果芒果、檸檬青檸、意大利芝士蛋糕和焦糖口味，清新的有，香甜的又有，雪糕Fans要失控了！另外又有近廿款Toppings可自由加配，包括Oreo碎、木糠、軟糖、朱古力碎和醬汁等。

近門口位置有Mövenpick雪糕車，不要錯過了。

有11款Mövenpick雪糕任食！

Mövenpick雪糕拼盤~可自行加Toppings，記住要留肚吃啊！

怕太甜的可選香脆的窩夫杯，把餅乾撕碎蘸雪糕來吃。

好易錯過！熱盤區內藏即焗梳乎厘

熱盤區內有個光波爐，每次只焗6份梳乎厘，差不多焗起時都會突然出現小人龍，想食的記住要注意了。另外甜品區亦有多款蛋糕、布甸和曲奇，亦有配搭新穎的橙及士多啤梨口味噴泉。

即焗梳乎厘味道香甜，口感輕盈，每人只限拿兩個。

甜品還有多款蛋糕、布甸和曲奇。

窩夫樣子不甚討好，望上去腍過毛巾，哈哈！

有別於一般的朱古力噴泉，這個橙色的竟然是橙和士多啤梨的混合口味，太有創意了。

茶及咖啡任飲

總結：選擇好豐富，有9款海鮮，味道新鮮，輕易回本；熱盤沒甚麼特色，吃完都不太有印象；甜品有11款Mövenpick雪糕已經夠吸引。價錢方面，平日$478/位，假日$528/位，但以Citibank、中銀、滙豐、恒生、渣打或東亞信用卡結帳的會有85折優惠，都幾抵食……

一句到尾：熱盤沒甚麼特色但海鮮Fans可以來報到！

有多個卡座，而且是軟綿綿的梳化椅，坐得舒服。

都會自助餐廳

地址：九龍彌敦道380號香港逸東酒店大堂樓層（顯示地圖）
電話：2710 1901 / 2782 1818

「中西海鮮盛薈」自助晚餐

供應時間：6pm-9:30pm
價錢：星期一至四 成人$478/位、小童$368/位，星期五至日、公眾假期前夕及公眾假期 成人$528/位、小童$408/位

備註：設加一，Citibank、中銀、滙豐、恒生、渣打或東亞信用卡結帳有85折優惠

延伸閱讀：