養生必食：抗疲勞滋補馬卡火鍋＠Dining娜

以飲食養生已成為熱潮，我Dining娜同好多都市人一樣成日唔夠瞓、工時長、壓力大，都好需要養生，偏偏我又係火鍋控。最近見到不倒翁新推出秘魯馬卡湯底，竟然將養生同我最愛嘅打邊爐結合，梗係即試啦！嚟緊星期日就係父親節，帶老竇食呢個抗疲勞滋補湯底，慰勞下每日做嘢辛苦嘅佢，肯定讚你乖仔乖女！

滋補大熱：秘魯馬卡湯底

近年馬卡喺養生界好流行，我Dining娜都試過用馬卡沖水飲，不過如果用馬卡熬湯做火鍋就更加正！好欣賞不倒翁咁緊貼潮流，新增呢款馬卡湯底，嚴選來自秘魯嘅馬卡，質素當然比來自雲南、新疆的好。

馬卡有「秘魯人參」之稱，具滋補養身功效，尤其是對抗疲勞、補充體力、提升睡眠質素、紓緩壓力好有效，啱晒成日易攰、工作壓力大、易失眠嘅都市人，男女都啱。不倒翁嘅秘魯馬卡湯底，加入多種溫和嘅藥材，包括黨參、圓肉、杞子、芡實、果皮等熬製，味道清淡順喉，配搭海南文昌雞或豬骨打邊爐，就可以增加濃香鮮味。

馬卡湯底（可選文昌雞或豬骨）嚴選來自秘魯嘅馬卡，加入黨參、圓肉、杞子等熬製，滋補又能抗疲勞，仲可以改善睡眠，都市人最啱。 — 馬卡湯底（可選文昌雞或豬骨）
嚴選來自秘魯嘅馬卡，加入黨參、圓肉、杞子等熬製，滋補又能抗疲勞，仲可以改善睡眠，都市人最啱。

休漁期食激罕海鮮

好多海鮮達人以為休漁期會「無啖好食」，咁你就錯喇！不倒翁店主洪哥喺海鮮業界人脈甚廣，同好多活海鮮供應商熟稔，就算係休漁期都可以食到市面上供應量少嘅激罕海鮮，例如海魚花英斑、紅瓜子斑等都會照常供應，打邊爐都有靚海鮮食。新鮮刺身亦係呢度嘅招牌必點，加拿大頂級象拔蚌、南非特大鮑魚、澳洲龍蝦，通通都係每日生猛到店，而且即叫即劏，夠晒新鮮，海鮮迷肯定大滿足！

即使在休漁期，仍可食到花英斑、紅瓜子斑等罕有海魚，加拿大象拔蚌、南非鮑魚、澳洲龍蝦都係新鮮到店，放喺魚缸，柯打時才即叫即劏。 — 即使在休漁期，仍可食到花英斑、紅瓜子斑等罕有海魚，而加拿大象拔蚌、南非鮑魚、澳洲龍蝦都係新鮮到店，放喺魚缸，柯打時才即叫即劏。

加拿大頂級象拔蚌柯打時新鮮活劏，當然要刺身食，不過亦可以打邊爐或椒鹽煮，食法多元化。 — 加拿大頂級象拔蚌
接到柯打時新鮮活劏，當然要食刺身，不過亦可以打邊爐或椒鹽煮，食法多元化。

南非特大鮑魚每隻大到要兩隻手先攞到，原來有成3斤重，厚切最能食到佢嘅鮮甜味！ — 南非特大鮑魚
每隻大到要兩隻手先攞到，原來有成3斤重，厚切最能食到佢嘅鮮甜味！

極上刺身盛盤（4至6位用）帶子、海膽、劍魚腩、牡丹蝦……全部空運直送到港，超鮮甜，口感豐腴肥美。 — 極上刺身盛盤（4-6位用）
帶子、海膽、劍魚腩、牡丹蝦……全部空運直送到港，超鮮甜，口感豐腴肥美。

人氣配料、燒物

手切肥牛脊係不倒翁嘅指定必食火鍋配料，店主對食材好有要求，認為位於頸部以下嘅脊位，有牛味，而且雪花豐富均勻，肉質軟腍，灼後口感依然鬆化，每枱一坐低幾乎必叫最少一碟。如果想食豬，都有靚豬推介，就係36個月西班牙Iberico黑毛豬喇，一般火鍋店絕對唔多見！店主仲會嚴選肩胛肉眼位，貪佢夠肉香，油花又多。

好多人都鍾意飲住酒打邊爐，下酒人氣必食當然要推介長期熱賣嘅燒物，燒牛脷、牛仔粒、雞翼都係大熱之選！同老竇、家人一齊食，叫個拼盤，齊齊啤啤佢最開心！