復活又想 旅行 ？ 旅遊達人話你知點玩最抵！＠Travel佳

最近睇到某酒店格價網站嘅研究，呢1年嚟環球市場受到唔少政治同外匯價格等嘅影響，但就算有咁多風吹草動，大家都係繼續無懼世事變改，還是越難越愛……去旅行嘅。我知道，喺世上，已經冇晒阻止大家開心出遊嘅理由（除咗唔准請假嘅老細之外）。所以，臨近復活節假期，就等我教下大家去旅行點玩先係最抵玩啦！

(Presented by WeLend)

英國

匯率創新低 Shopping住宿樣樣抵

相信唔使我多講，而家最抵玩一定係英國！自從脫歐之後，英鎊匯率跌穿10算去到歷史新低點！雖然歐洲唔係話去就去，一去就成10日8日，但計番低匯率，消費慳番好多！例如歐洲最貴嘅住宿，平均平咗12%！如果搵到張$3-4,000嘅平機票，平玩（但不窮遊）英倫真係不是夢呀~

泰國

機票$1,500有找 平住5星酒店、resort

泰國係唔少港人嘅天堂，物價夠低，使少少就有大爺般嘅享受，我每隔幾個月就會心思思去㗎喇~ 睇番匯率情況，泰銖對港幣喺3月都算係維持低位，雖然未至於2016年尾嘅超低位，但都已經好唔錯！你諗下，到時成個復活節日日食嘢做spa，1個字——爽！頭尾請多1日假，嚟個6日短trip就啱啱好，返嚟叉足電又係1條好漢！

澳門

Long weekend狂食狂玩 主題酒店任你揀

如果你嘅情況，咁啱係「也許請假很難🎵……」就不如近近哋去澳門啦！

睇番某酒店價格網嘅統計，單單係2016同2015年之間，喺澳門住酒店就平咗6%！加上有咁多主題酒店可以揀，想浪漫去歐洲主題酒店又得，想夜生活去賭場酒店又得啫！無論點都好，夜晚點都要試下手氣，一下唔覺意就贏番酒店同船飛返嚟啦~

後記

睇完呢幾個推介，鋪旅行癮又出晒嚟！度度都咁抵……真係好想一次過滿足晒3個願望！不過，幾鍾意去旅行都好，都要記住！記住！記住！千祈唔好因為去旅行而爭落周身卡數呀！一有卡數，都要即刻處理，絕對唔可以拖，因為啲利息真係好得人驚！最近我計緊點還卡數嘅時候，上網click下click下，就見到WeLend呢段片~

WeLend同其他財務機構唔同嘅地方係佢嘅A.I. 清卡數貸款服務，只要輸入簡單資料，幾秒鐘就批到，仲會即時俾幾個唔同嘅還款方法你揀，一次過show晒「最易供」、「最快趣」同「最慳息」幾個方案，唔啱睇，自己再揀心水組合又得，仲有晒長遠planning添~ 對於我呢啲死懶鬼，佢可以唔使落分行，安坐家中就搞掂，既方便又快捷！如果你都有清卡數煩惱，都可以try try呀~

忠告：借錢梗要還，咪俾錢中介
客戶服務/投訴熱線：3590 6396

放債人牌照號碼：0563/2016