情趣食品♡@田中捽腳子

呢個Pancake其實好睇唔好食，
表面上佢係一個Pancake，事實上佢係個收納盒！

佢係今日喺SKYTREE嘅Solamachi行街時買到嘅戰利品，
移住東京新居入伙，屋企大至家電小至餐具乜都要買，
搞左好幾個月終於似返間屋，
有埋啲正家品雜貨點綴下就Perfect！
想搵野裝牙簽但又唔甘心用一般牙簽樽,
呢個「Pancake
嘅Size用來放牙簽Fit到爆，
真係可遇不可求。
本來覺得二百幾蚊貴貴地，
但放佢係餐枱概可粉飾屋企，又可增強食慾，值得！
以前成日覺得呢啲硬膠食物模型係餐廳先有用，
就算之前喺大阪「道頓堀コナモンミュージアム」玩過DIY章魚燒模型，
但攞返屋企得個擺字好似無乜作為。

呢間創業80年、專門製造食物模型嘅「元祖食品サンプル屋」
就識得腦筋急轉彎，將本來用來陳列嘅模型設計成實用嘅家品同飾物，
店舖除左有Pack好左嘅「食物」畀你打包返屋企DIY外，
仲有好似我買呢個Pancake Case咁，
睇得唔食得但用得嘅精品：

例如多士燈製蓋、燒魚匙扣、Roll Cake膠紙座、煙肉書簽等等，
非常過癮，可以真添唔少生活情趣！
▶http://www.ganso-sample.com/