油麻地 肥波燒餅 名店鐵板女廚 即炒大阪燒超足料 |撐小店！|
廣告
油麻地，其實不單只有果欄，由於偏離巿區核心地帶，租金相對較低，是不少人創業的最好選擇。肥波是女子一名，炮製鐵板燒手勢純熟，原來她由水車屋學徒開始，再去海幸、Miyabi等名店，做到鐵板燒主管，有十幾年經驗。三年前，下定決心跟丈夫在油麻地百老滙電影中心附近，開這間鐵板燒小店，取名 肥波燒餅 ，由名店走入街坊舊區。
撰文：黎狄敏 攝影：Hong
自己舖頭自由多
「名店始終要守規矩，自己舖仔，鍾意點煮就點煮，客人想食燒餅漢堡，我即刻整都得。」肥波笑咪咪地說。小店只有三張摺枱，一個鐵板燒廚房，不過就只是因為細，客人跟廚師就更互動。「我特別整個開放式廚房，就係想邊煮邊同客人傾偈。有時三枱客人唔識，最後大家一齊傾，好開心。」
肥波經常掛著笑容，客人都被她的熱情和快樂感染。
入口鬆化 自製漢堡扒
食物定價親民，通通幾十元有易。「有時客人話我呢啲餸，出面食要百幾蚊喎，我知吖，但如果我賣貴啲，就冇咁多人食到。」作為女廚，她比一般大男人來得更細心，漢堡配料切得細碎，漢堡扒軟綿入口即溶。
「公公婆婆冇牙，塊番茄青瓜切碎方便佢哋食；漢堡扒用脢頭自己剁，專登做到好腍，冇牙都食到。」
清炒秋葵加香料和豉油快炒，爽口不腍，微辣惹味。
炸雲吞是自己做，蝦、豬肉、椰菜粒，調味較濃，很香口。
勁多椰菜絲 重量級 肥波燒餅
至於幾款 肥波燒餅，七成是椰菜絲，清爽不膩，吃一整件都不會滯。重量級燒餅，就更加震撼，餡料特多，牛、雞、煙肉、吞拿魚、野菌、粟米和海鮮都有，醬汁酸甜微鹹，好吃。
所有燒餅都是即叫即炒，入口熱辣辣很有鑊氣。
小舖見人情 開心過日子
收入雖然比以前少一截，甚至不是每個月有錢賺，但她樂在其中，「生活簡單，跟老公做鍾意做嘅事，日日都好開心。」最近得知，肥波自從有了小朋友後，就很少落舖，但不用擔心，皆因店子現交由丈夫打理，重量級肥波燒餅，仍然吃得到。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
