魔幻聖誕HOHOHO！海洋公園聖誕呃like之旅 @Travel佳
聖誕節又係行下商場，去下海傍？有聖誕氣氛嘅點只呢啲地方，今年海洋公園安排咗好多精彩節目，仲可以低至8折優惠購買聖誕禮券～聖誕仲邊怕無嘢玩？
挑戰心臟Magic Show
一班世界級嘅魔術師表演多個令你大氣都唔敢透嘅魔術，例如緊張刺激嘅火籠逃脫、出神入化嘅移形換影等，聖誕除咗要溫溫馨馨，加啲刺激更令人印象深刻～再結合埋極速變裝絕技同雙人懸浮術表演，全面震撼你每個感官！
迷幻激光陣
「光加熱就等於火，火加歌就等於我！」當大家身處呢個激光迷陣，你又可唔可以咁輕鬆唱歌先？要穿越呢啲激光，身手唔夠敏捷都隨時Fail㗎～
奇異聖誕花園
無聖誕樹同無音樂，呢個聖誕邊算圓滿？海洋公園園林團隊就製作出好多樂器形嘅樹塑，再配以「聖誕樂韻頌」獻唱耳熟能詳嘅聖誕樂曲，聖誕氣氛滿瀉～仲有每晚都有嘅「光影聖誕」巨型聖誕樹亮燈儀式、浪漫嘅飄雪效果，又有聖誕老人同精靈喺「聖誕老人樹屋」等緊你，絕對係呃like必去要點！
聖誕無邊界
海洋生物冇份過聖誕？話明普天同慶嘅大日子，園方特別安排咗潛水員換上節日服飾，令水族館都充滿聖誕氣氛。鍾意動物嘅你，購買「智紛全年入場證」仲可以免費參加「幕後之旅」，同動物們親上加親，兼學習更多動物知識！
聖誕食好東西
平時點慳都好，聖誕點可以唔食聖誕大餐？12月24至27日期間，海龍王餐廳推出期間限定嘅聖誕半自助午餐，食幾多都唔怕，聖誕就俾自己放縱下。另外，海龍王餐廳同冰極餐廳都推出咗一共4道菜嘅「魔幻聖誕大餐」，入面仲有聖誕必備「特製慢烤火雞」。
而且由而家至2016年12月26日期間喺海洋公園正門票務處或以下網址 https://goo.gl/uuoTeM 購買禮券更可享低至8折優惠！
再有心啲，就送埋張「智紛全年入場證」俾朋友仔當聖誕禮物，一齊玩足全年之餘仲大把尊享禮遇！
遊玩小貼士:
海洋公園景點又多又好玩，當然要把握時間玩得更盡興。「海洋快證」讓你自選7次特快通行服務，大大節省排隊時間，玩樂更「快趣」！持有海洋快證嘅賓客可優先入場欣賞「超時空魔幻匯演」一次，如有查詢請致電3923 2323。下載海洋公園APP，再連接園內Wi-Fi，仲可以實時睇到景點輪候時間！
