【自助餐放蛇起底組】 買一送一Buffet ! 佐敦酒店$269位 任食生蠔+鹹鮮蟹腳+片皮鴨
撰文、攝影：放蛇組
買一送一Buffet ：五款海鮮不停refill 大隻鹹鮮蟹腳
第一時間當然要去海鮮區報到，有5款海鮮！問了師傅，當日供應的是美國蠔，都幾大隻，夾光亦不用擔心無得食，因為有師傅會不時由廚房行出來check，等等就有refill。美國生蠔的海水味和蠔味較淡，但勝在大隻有少少肉地，而且好滑身，好想一啜就吞，但可惜吃了6隻有5隻都有蠔碎，難以好好享受。反而蟹腳有驚喜，食落仲有澎湃鹹鮮的海水味，而且size又夠大，有好多蟹肉。
五款海鮮有生蠔、蜆、海蝦、青口和蟹腳，有師傅密密望着海鮮區，被人夾了少少又會堆返好，清空了又會好快手refill。
當日的是美國生蠔，大隻和肉質飽滿，而且質感很滑，可惜吃了6隻有5隻都有蠔碎。
反而蟹腳有驚喜，鹹鮮味十足，而且腳夠長有好多肉，亦有refill，不過這一堆蟹腳都好快給人清空。
刺身亦有5款，有少見的白豚，好有油香，不過可惜刺身雪得不夠凍。另外還有包裝好的件裝壽司，似足外賣店，味道亦似足外賣店，飯糰雪到好硬，超伏。
五款刺身都是即叫即切。
刺身旁有一堆包裝好的壽司。
但飯糰似雪了三日，硬梆梆。
即切片皮鴨+龍蝦雞粥 熱盤多特色：焗蠔+燒羊鞍
熱盤最吸引的是有片皮鴨，但清得好快，不過都有refill，前前後後碼用了3隻鴨。鴨肉即切，和荷葉餅一樣都是熱辣辣，有大葱、青瓜和甜麵醬可以添加。雖然熱辣辣，但凍得亦快，拎完要快點行返位，鴨肉不老，有油香且不肥膩，唔錯喎。另外亦有即製的燕窩龍蝦海鮮雞粥，雞粥配料落得重手，有好多龍蝦和雞件，不過由於是粥和海鮮是分開煮熱再倒在同一碗，所以味道是粥還粥、料還料，偏清淡。
即切片皮鴨，前前後後見師傅起碼切了三隻有多。
有大葱、青瓜條和甜麵醬可按個人口味添加。
燒牛肉也是即切，有咬口。
燕窩龍蝦海鮮雞粥雖然有滿滿的配料，最多的是龍蝦肉和雞件，但味道是粥還粥、料還料，溝唔埋。
熱盤約有十多款，有大路的焗蠔、燴牛肉和香草燒羊鞍，亦有較特別的茶樹菇煲雞、蘿蔔花螺煲和日式燒鯖魚等，質素正常。推介香草燒羊鞍，羊肉肉質大件得來好有彈性，羊羶味不太重；而茶樹菇煲雞有淡淡甘香，湯料落得重手，食完海鮮和刺身後，最啱飲啖熱湯再食過！
美式焗蠔，其實是一堆粟米、香腸和千島醬，基本只吃到千島醬的味道。
香草燒羊鞍好大塊，肉質有彈性，羊羶味不是太重。
茶樹菇煲雞舀到底都見有很多雞件，幾足料，飲落較清香，有回甘。
蘿蔔花螺煲
日式燒鯖魚
三款Dreyer’s雪糕 即整雪花冰+玻璃樽汽水任飲
甜品除了基本的小蛋糕、布甸和泡芙外，記得要食即整雪花冰，放蛇當日是朱古力味，朱古力味超級濃郁，記者估有60~70%濃度，還有生果粒、oreo碎等topping可以DIY。另外還有三款Dreyer’s雪糕，不過手快有手慢無，約9pm便只剩兩杯。
即製雪花冰，當日的是朱古力味，有各款topping可DIY。
Dreyer’s雪糕任食，但想食要快手，約9pm就只剩兩杯。
芒果蛋糕
麵包布甸
凍櫃內有乳酪、泡芙和冬甩等甜品。
有各款玻璃樽裝汽水，不過整個雪櫃放在片皮鴨旁邊，有點隱蔽。
還有各款果汁、咖啡和茶任飲。
總結：海鮮和刺身各有5款，生蠔雖然密密供應，是多肉的美國蠔，不過6隻有5隻都有蠔碎，不能暢快狂吞，蜆到後尾再翻啅時有隻超多沙！最好食的是蟹腳，多肉又夠鹹鮮。其他刺身都ok，熱盤很有特色，質素平穩，又有片皮鴨、雪花冰和Dreyer’s雪糕等。不過任食雖然是由6:30pm食到9:30pm，但到8:45pm左右都陸續暫停refill，不太滿足。平日都只是$269/位(已計加一)，但提提大家，打電話訂座時長期處於繁忙狀態，不過只要在幾分鐘內不停redial(記者試了兩次都成功)，就好大機會撞彩有人接聽。
一句到尾：買一送一對得住個價錢！
園林閣咖啡室
地址：尖沙咀柯士甸道8號龍堡國際UG層（顯示地圖）
電話：2378 7672/2378 7673
環球美食自助晚餐供應時間：6:30pm-9:30pm
收費：
星期一至四：$448(買一送一折後價$268.8)
星期五、六、公眾假期及前夕：$468(買一送一折後價$280.8)
用餐時間：3小時
備註：收加一，買一送一優惠至12月31日(12月24及25日除外)、最多可供12人使用、需預訂及列印折扣券
延伸閱讀：
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
