街頭小食 2次創作！ 茶葉蛋變海膽丼? 即睇 茶葉蛋丼 食譜！
廣告
茶葉蛋，據說明朝已出現，有邊個知道那個「茶葉蛋汁」，講究到要溝烏龍茶、紅茶同香料來熬成？我覺得，只要大家沒有將它跟外形顏色有點類似的滷水蛋搞錯，已經非常叻叻，還敢教您看什麼叫靚的茶葉蛋，我識咩啫？我只知道自己這種無聊人吃茶葉蛋，還喜歡講究賣相、茶在蛋上的紋 理，還有茶葉蛋在一個開蓋舊式電飯煲裡被煮到bu loop bu loop 的樣子 ，其實茶葉蛋除左淨食，我還發明了個 茶葉蛋丼 食譜 ，十蚊有找又有賣相，月尾都可以食得咁有型，死未！
撰文：葉子騫 ｜ 圖片：Him
即睇！ 茶葉蛋丼 食譜
呢個賣相，就係將茶葉蛋拆解再重建，蛋黃、蛋白分開處理，成品十足葱花吞拿魚丼飯。
茶葉蛋丼 材料
茶葉蛋…………………………………………….2隻
白飯………………………………………………..1碗
葱……………………………………………………2條
豉油………………………………………………適量
麻油………………………………………………適量
黃糖………………………………………………小量
無難度示範
1. 茶葉蛋的黄和白分開
2. 蛋黃跟麻油拌成蛋黃醬
3. 蛋白切碎，下鍋跟糖和豉油炒香，倒入葱花略炒盛起
4. 熱辣白飯上放上蛋白碎，再加上橄欖形蛋黄醬即可
本地涼茶舖，80年代開始流行賣電飯煲茶葉蛋。
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
