良心老闆推 $24任食小菜 !!! 4大平食推介小店 |新蒲崗食乜好|

撰文：Sam | 攝影：Man、Sam

1. 平食飯堂！ $24任食小菜 湯粥飯無限添

由93年開業至今的順豐良心飯店，店如其名，用良心價錢提供家用便飯給客人，由從前的$10任食20多款小菜，到現時物價上漲，亦只需$24一位。老闆娘黃有多希望每位食客都食得開心，「食飽d」，堅持以平民價做生意，收入夠出糧給員工便足夠。因為老闆娘用心經營，這裡有很多食客都是光顧多年的熟客。

老闆娘與5位員工每天6時開工，準備11時開始供應食物給食客。每位食客先付款後，再拿碗碟和餐具，自助形式去選擇自己想吃的小菜。除了小菜任食，場內有飯、更有粥和湯，全部都是無限添食添飲，一定食到你飽為止！

20多款小菜任食

店舖提供20多款小菜給大家，每日都會稍為不同。小菜款式非常多，除了有多款肉類，如蒸魚、煎魚、肉餅和排骨等等，更會有不少蔬菜，如菜心、通菜等，令大家食得飽又健康。提提大家，小菜供應時段到2時左右，所以最好早一點到場，才有較多款式的小菜選擇。

街坊多年支持

全先生表示自己光顧多年，因為價錢夠經濟。每次都吃一碗飯、半碗粥和一碗湯，吃到「滿載而歸」。

不便出鏡的梁生已經光顧店舖6至7年，每次都吃兩碗飯喝兩碗湯，認為「店舖的食物簡直平靚正！每次食完都飽到行唔郁，我賺多過佢賺！」

順豐良心飯店
地址：新蒲崗雙喜街8號彩虹道街市及熟食市場1樓CF14號（顯示地圖）
營業時間：星期一至日 10:30am-3pm

2. $20 歎米芝蓮中式糖水

與該區開業幾十年的老店相比，這家中式糖水店華園甜品專家只開業9年，比較「年輕」，它不會與現時的糖水舖般，款式五花八門，但就正正因為傳統糖水和價錢親民，吸引了不少街坊「撐場」。店舖更取得《米芝蓮指南香港澳門2016》街頭小食店推介名單之一，每款糖水大約十幾至三十幾元，就算平都可以吃到米芝蓮推介的小食！

招牌香甜喳咋$20

招牌糖水喳咋，紅豆、綠豆、紅腰豆、芋頭和西米的份量非常足料，令到口感豐富，加椰奶很香口，亦不會太甜。

腐竹蓮子雞蛋 $20

蓮子比例都算多，而且頗大粒，但略嫌腐竹煮得太爛，整體有點偏甜。

補腎合桃糊 $18

合桃糊甜度剛剛好，非常滑，不過合桃味不算太濃郁。

華園甜品專家
地址：新蒲崗祟齡街38號地下（顯示地圖）
營業時間：星期一至日12pm-12am
電話：2322 3130

3. 港式老餅店$3.5魚蛋包

這間屹立在新蒲崗40多年的老字號，每天都會有很多街坊光顧，附近不少學校、餐廳及老人院等亦會向他們取貨。店舖由父子檔上陣，每天親手製作過百款麵包及蛋糕，麵包每天早上6時新鮮出爐，風雨不改。因麵糰用舊式打粉機打出來，麵糰的筋性較好，口感會較煙韌。除了一般的麵包，戚師傅會自創特色麵包，最有特式的是魚蛋包，以自製醬汁烹調魚蛋，再配麵包。

魚蛋包 $3.5
戚師傅希望將香港特色與麵包融合，忽發奇想做了魚蛋包。鬆軟麵包再配彈身魚蛋，口感很特別，而且咖喱醬汁很惹味。

各款迷你包 $3.5
不止有迷你腸仔包和叉燒包等普通款式，更有一些特別口味，如芝士波、菠蘿奶皇包和迷你蟹柳包。

大雞尾包 $6
坊間一個雞尾包價錢都要約$4-6，這個大雞尾包只需$6，而且沒有減料，非常抵食！

金屋麵包西餅
地址：新蒲崗衍慶街44號地下（顯示地圖）
營業時間：星期一至日 6am-8pm
電話：2320 7728

4. $15 盅頭飯+ $10 七件煎釀三寶

這間經過不太起眼小店味濃店車仔麵，有很多街坊由開業至今「幫襯」了十多年，除了賣車仔麵外，還有很多平食之選，有$15飽肚盅頭飯、$10七件煎釀三寶、$8六條腸粉等等，每款食物都不過$30！

鳳爪排骨飯 $15

別看這個盅頭飯份量好像很少，但其實與一個外賣飯盒份量一樣，十分飽肚！鳳爪較稔身，排骨味道正常，不過不失。

煎釀三寶 $10/7件
一共有紅腸、茄子、魚蛋、燒賣和青棣等7款煎釀三寶，頗香口。

腸粉 $8/6條
雖然腸粉亦是一些平價小食，但$8有6條都算是超值！

味濃店車仔麵
地址：新蒲崗爵祿街23號地下（顯示地圖）
想知更多吃喝玩樂、扮靚資訊，就快d like Sam拍胃 facebook page啦！