煮婦界大件事！敗家必搶 人氣港版 BRUNO電熱鍋

【開箱試玩】2017最新煮食神器 港版BRUNO Grill Pot！1鍋4用！煮、炒、蒸、炸乜都得

撰文：ning｜圖片：Yee、相關機構、網上圖片

煮婦界大件事！敗家必搶 人氣港版 BRUNO電熱鍋

「BRUNO」日版須自行配備變壓器，港版免拖巨型火牛，即插即用，減低危險性。機身小如A4紙，用上輕巧琺瑯質地。外表是光澤亮麗、浪漫Baby pink配上高貴金色火力調校掣及沾易潔塗層烤盤。電熱鍋有多款溫度選擇，包括保溫功能(65ºC – 80 ºC)、小火(100 ºC -130 ºC) 、中火(160 ºC – 200 ºC)及大火(190 ºC – 250 ºC)

1.最多搞作–六格圓模 玩創意料理

雖然跟機已附送平面烤盤及章魚燒烤盤，但試玩發現，最好玩的是這個需要額外加錢另配的多用途烤盤，內有六個直徑接近4吋的圓形烤模，日本人就愛用它來做米漢堡，四格煎米餅、兩格炒牛蒡，輕鬆搞掂；更有網民用它來煮早餐、煎肉餅，仲可以炮製出無數呃Like美食，我們今次就連試三款食譜，最簡單的層層疊厚Pancake、到芝士肉醬烤蘑菇，甚至超治癒的煙肉流心蛋杯，全部一次成功無難度。配合機身唯美顏色，相機食先放閃一流，絕對眾配件之中的必敗之選。

試玩後感

（✓）成功率近乎100%，圓模夠深有助定形，連煙肉蛋杯都撐得住，煎出來的Pancake有厚度，比普通煎鑊易控制。

（✓）火力夠大，平均約5 – 6分鐘已經煮好，生蘑菇毋須加蓋就可以迅速煎烤至熟透多汁。

（✓）容易清潔，沾濕抹手紙就可把醬汁輕易抹走。

（x）煎Pancake的粉漿不能下得太多，否則反轉煎另一面時會有困難。

2.真。煮婦要買–萬用深鍋 燉飯、鍋物、打邊爐！

要將B仔發揮到極致，這個陶瓷深鍋要入！因為跟機烤盤只能做到煎、炒功能，多了這個深鍋，就連飯都可以煮，潛力勁高。今次以西班牙海鮮飯實測，鎖水度高，雞湯蒸發不算多，變相即是可以減少水量，煮出來的西班牙米煙韌十足；雖然比其他烤盤稍為升高，但傳熱功能同樣良好，配料炒一分鐘就開始熟；而且深度接近三吋，當地人會用來做關東煮、壽喜燒，勝在可以盛載湯汁，更可以隔水做茶碗蒸、燉蛋等。對於香港人而言，在小蝸居來個二人自家邊爐、韓風部隊鍋、懶人One-pot Pasta就最啱。而且$300有找，買個LC都唔止！

試玩後感

（✓）鎖水功能抵讚，雞湯在煮製過程揮發不多，變相慳水。

（✓）陶瓷內層不黏底，傳熱度高，做西班牙海鮮飯還有少量飯焦效果。

（✓）左右手柄位隔熱功能良好，中途拿起也不燙手。

（x）炒製食物時會稍微彈油，不宜用作炸物。

3. 最百搭–輕鬆做鐵板達人！

這個平面烤盤最易用，玩法亦多，炒餸、炒麵、煎法式Crepes、Pizza、鐵板餃子⋯⋯乜都得，甚至有人用來做韓式拌飯，更可以用來把隔夜飯餸翻熱，微波爐都慳返。試玩大阪燒食譜，同樣一次成功；自問是烹飪高手的話，更可以同時煎肉又炒菜，極速煮飯，適合要試上班的現代煮婦。

試玩後感

（✓）烤盤厚度適中，傳熱快，可快速煎熟食物。

（✓）面積廣泛，同時間可煮多幾樣菜式。

（✓）機身低，而且烤盤用了無煙害物料，油煙少，適合邊吃邊煮

（x）無矽膠或木製廚具附送，如果能像LC般有品牌配色廚具就更好。

4.輕微中伏–火力不均 慢熟章魚燒

坊間早就有章魚燒機，淘寶買一塊烤盤也不貴，相比之下這塊章魚燒烤盤似乎不夠實際。但若然你未試過自製章魚燒，或者家裡有小朋友，都玩得過（反正是跟機無得揀）。不過試用後發現，由於發熱線主要在中間，烤盤只有中央的9 – 16個煎孔可以快速製成章魚燒，左右兩行，以至四個角位的更是煎極都未熟，需要調位處理。幸好大部分都能極速成形，單用竹籤就可以把章魚小丸子反轉煎香，新手都做到，而且網上有大量變種章魚燒機食譜，例如蛋包飯、Cake Pops、乾煎燒賣等，貪新鮮或者想親子煮食的就啱玩。

Tips：要成功煎出金黃脆皮，建議在烤盤上先掃油，再注入粉漿。

試玩後感

（✓）起初都怕會雞手鴨腳，但操作客易，輕鬆煎出完美章魚波波。

（✓）傳熱度高，每粒章魚燒都烤至金黃色，有外脆內軟效果。

（x）邊緣位置火力較弱，部分小丸子需較長時間才煮熟。

（x）未必經常會想玩章魚燒，估計使用率偏低。

5.用途最低–完美主義 烤出坑紋靚肉

玩晒五個，這個坑紋烤盤最無驚喜。除了烤肉、煎牛扒可以做到坑紋效果，以及稍為墊高食物，協助隔油之外，基本上功能不大；而且跟機平面烤盤都有同樣效果，除非你個人非常完美主義，非要煎肉有坑紋，又或者想儲齊一套，否則可以唔買。

【試玩後感】

（✓）熱度高，蔬菜和肉類輕輕一燙就有微焦坑紋效果，賣相加分。

（x）隔油效果不算明顯，作用不大。

Grill Plate坑紋烤盤 $198

香港無份！超妒忌日本靚色

今次港版首賣，第一批只有粉紅色。日本早就贏在起跑線，以下這堆顏色，香港係無嘅，大家只能得個恨字。

BRUNO電熱鍋 Q&A

Q: 幾時開賣？

A: 大家冷靜點，現時市面仍未有現貨！即日開始接受預訂，最快月底到貨，九月會有現貨於大型百貨公司發售，而且數量有限，Ladies們耐心等多陣吧。

Q: 會否有其他顏色？

A: Non-粉紅控注意！首波粉紅BRUNO雖然夠少女，但未必個個都是Pink Lady，甚至有網民自製hashtag，來個#港版湖水綠念力區，我們就問過代理商，最快11月會推出港版紅色或者白色，至於其他⋯⋯努力集氣吧。

Q: 食譜？

A: 港版獨家食譜，跟得夠貼的B仔粉會知道，日本官方有出版BRUNO專門食譜。來到香港，代理商不做翻譯版，反而為港版度身訂做獨家食譜書，貼近港人口味，Fans記住買。

煮婦有話兒

麻瓜鄧：配件夠多，A4 size易收藏，適合小家庭、小型Party。用法簡單，貼近日常生活，輕鬆搞掂三餐，非烹飪高手都駕馭到，總括CP值超高，敗家精必定入魔。我想召喚日版藍灰色呀！（哭）

偽主婦的生活日記：外型超靚，早就忍不住在日本買了蘋果綠色。價錢平，而且機如其名，「搬爐」上枱，煮食毋須入廚房，好方便！粉紅色啱女仔，不過最好梗係有齊日本咁多種色，買都買得開心。

BRUNO Compact Hot Plate

售價：$998 （連平底、章魚燒烤盤）
訂購方法：全線百老匯、二德惠烘焙店、一田eshop
銷售點：（9月開始）city’super、Sogo、一田

推出顏色：限量粉紅、限量紅色、及經典米白色：

首推限量粉紅色機身隆重登場，預計交貨日期於8月31日或之前。經典米白色（米白色日後將會常規發售）與聖誕限定的紅色。米白色機同紅色機同樣會於8月19日起於各銷售點接受各位預訂，預計於11月底到貨！

銷售點預訂詳情：

產品推出主要分為預訂及現貨銷售兩部份：

由8月19日開始可接受預訂既銷售點：
全線百老匯門巿
一田 e-shop (8月19日10am正式開始, https://eshop.yata.hk/)
二德惠烘焙diy專門店 (灣仔, 油麻地, 荃灣分店, Tel: 31881887)
Orange Baking Store 橘子烘焙 (荃灣, Tel: 24992281)
HomeThinks (西環吉席街 Tel: 2818 8860, 元朗錦鏽花園 Tel: 2482 0302)

聯品 (油麻地上海街 309 舖 Tel: 22395600, 九龍城啟德道 Tel: 27181817)
甜心烘焙 Sweety Baking (元朗, Tel: 68920352)
360 Accademia Del Gusto Ltd 烘焙大師之家 (觀塘, Tel: 21559360)
木馬屋烘焙專門店 Wooden Horse Baking House (大埔, Tel: 26380306)
Little Bear Baking Supplies Shop (太古, Tel: 2363 8567)

利寶 (西貢, Tel: 27929948)
澳門 – 新八佰伴 (不設預訂, 9月初起銷售現貨, Tel: +853 28725338)
澳門 – Bake A Wish (Tel: +853 62513650)

以上銷售點既交貨期係8月31日或之前。

另外，以下各大門巿將有現貨發售及現場產品示範：
8月31日 – 9月20日: 銅鑼灣 Sogo 10/F (示範場)
9月1日起: city’super 銅鑼灣 (長期示範場)
9月1日起: city’super 沙田 (長期示範場)
9月1日起: Francfranc Hong Kong iSquare, 銅鑼灣, 中環分店 (不設示範)

9月14-27日: 一田 沙田 (示範場)

而10月1日起, 於國泰/港龍 航班上的 inflight sales magazine 亦可訂購(留意訂單以付款後才作實)。

延伸閱讀
益力多 4種飲法! 輕鬆整抹茶多多+沙冰