瀑布蛋牛治+手打肉丸粥！ 元朗 4家「禾稈冚珍珠」食店
撰文：nk｜攝影：Hai、Kwanyiu、Scott
元朗人才知道！ 4家「禾稈冚珍珠」食店
1.元朗人大推！ 好補身枸杞肉丸湯
這間隱身橫巷的食葩，近日元朗人大推，賣客家風味的鮮熬枸杞湯 底粉麵、還有季節限定的益母草湯，味道甘甘地，坊間少見。必試招牌枸杞豬雜肉丸湯，用的是新鮮豬雜，有齊豬 心、豬膶、粉腸、肉片，清洗處理得夠乾淨，細細粒的豬肉丸也是自家手打之作。
湯頭鮮甜無味精，亦無豬羶味，好飲；豬雜沒有內臟怪味，質感爽而不韌；肉丸彈牙，拌帶小量肉筋增添嚼勁；枸杞口感絲滑，慢慢嚼出微甘。
春季限定的野生益母草，味道微苦，亦有少許草青味，建議混合鹹香的肉丸同吃，減淡苦味。據稱有活血通經之效，惟屬性寒涼，孕婦不能服用。
另 一推介的撈手工麵，麵條同樣人手製造，拌上炒得乾身的肉碎，配合自家辣醬或辣菜脯，惹味得很。濃味麵條遇上清淡鮮湯，就好似阿媽見你食得熱氣，煲返碗湯畀 你滋潤返，超級窩心暖胃。而且價錢親民，一碗要齊枸杞、豬雜、肉丸，$20已經有交易，即使配多個撈麵都只係$35，如此有heart 的小店，必撐！
食葩
地址：元朗教育路3-7號富好大廈地下9號舖（顯示地圖）
電話：6353 9586
營業時間：星期一至六 10am – 8pm（星期日休息）
平均消費：$40/位
備註：不設加一，只收現金
2.邪惡爆蛋 瀑布蛋牛治
上枱一刻，你只見一片「蛋海」，將整件三文治完美覆蓋。這份震騰騰的龍鳳蛋牛治，老闆特別用鹹牛肉溝日式芝麻醬，夾在麵包中做三文治，再用上最少三隻雞蛋炒成滑蛋蓋面。
切開一刻，滑蛋傾瀉而下，口感比普通蛋牛治更邪惡。餡料唔食牛肉可以轉吞拿魚或芝士、喜 歡和風口味的更可以配鰻魚、帝皇蟹棒等。而且份量十足，食半份已經飽到投降，若然你非大胃王，建議都係和朋友開心share吧。
龍鳳店
地址：元朗水車館街66號錦榮大廈地下3B號舖（顯示地圖）
電話：2476 8113
營業時間：星期一至日 7:30am – 8pm
平均消費：$50/位
3.冬菇亭隱藏 炭爐脆皮腩瘦叉
談 及港式本土味，冬菇亭絕對是代表之一，想尋回這份味道，去元朗就最啱。區內就有三個冬菇亭，其中建業街的熟食亭，更藏有全港唯 一的冬菇亭炭爐燒味：添記燒臘。1975年在元朗起家，四十多年來一直由始創人梁偉添打理， 風雨不改， 親力親為做燒味。
招牌叉燒是古法製，只賣瘦叉，肥膏少，不加味精、色粉，用麵豉和南乳醃製，連蜜汁都唔多用，鬆肉方法都是跟傳統用酸梅，避免肉質變韌，整片叉燒愈嚼愈香，這才算是寶！
帶你一覧神級脆皮燒腩的誕生！
添記燒臘飯店
地址：元朗建業街熟食亭C5（近建樂街交界）（顯示地圖）
電話：2476 1742
營業時間：8am – 2pm
平均消費：$50/位
4. 薄如蟬翼蝦米膠手打軟綿肉丸粥！
國記，是元朗第一間粥店，至今已經將近50年，「要留住一個人的心，先要留住佢個胃」這句話是國記的寫照，由清晨開始，店子滿是來開餐的街坊，都是衝著這裡匠心製作的美食而來。粥底乳白透澈，隱約見到爆開的米花，與一般的米漿粥底差得遠，原來是每日凌晨四時，人手邊煲邊攪的成果。
廚房傳來撻撻聲，是人手將新鮮豬肉打至起膠，擠成豬肉丸的氣勢；薄薄一層米漿蒸熟，頂著燙熱，用手拉成一條條腸粉；就連缽仔糕、蘿蔔糕等的小食，都是用自磨的米漿製作！
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
