椰子雞 大熱!!! 濃湯米線+黑金雞翼 |旺角食乜好｜
廣告
椰子雞火鍋店開完一間又一間，MK 這間自稱售賣「一碗連湯都可以飲晒既米線」，5款雞湯米線中，也是以 椰子雞 最受歡迎，湯膽用龍崗雞、紅蘿蔔和馬蹄等蔬菜滾成，不加味精，再加入鮮椰汁和椰青滾起，清甜滋潤，當湯飲都 Okay，健康又養顏，每碗配新鮮雞件，肉味濃厚。
撰文：Jacky 攝影：Dick
另外甘甜藥膳及香濃黑蒜湯底都是養生好物，市面少見。小食一樣有新意，首創黑金雞翼，黑蒜味滲透嫩彈雞肉，惹味又抗氧化。不夠飽的話亦有年糕芝士魚蛋、鮮竹龍蝦卷等40款配料可以追加，要挑戰譚仔咁話。
水泥牆身配吊燈，帶微微工業風，與一般米線店不同。
椰子雞湯米線 $55湯膽加入鮮椰汁、椰青、雲耳、腐竹和紅棗滾起，散發淡淡椰香，喝下鮮甜清潤，健康又養顏，新鮮雞件小韌有雞味，米線小韌彈牙。
黑蒜雞湯米線 $58雞湯底加入黑蒜蓉而成，抗氧化能力出眾，有別於一般的黑蒜油，入口香甜，濃而不膩。
柚子豬軟骨 $34以韓國柚子醬掃去膩感，軟腍入味，酸甜開胃。
五年鹹檸蜜 $22不加糖漿，野生青檸加上花蜜、海鹽，埋藏地下五年，甘甜下火，最適合夏天飲用。
黑金雞翼 $24/3隻、$36/5隻不經油炸，以黑蒜蓉醃過夜，再塗上秘製黑蒜汁燒至乾脆，香口滑嫩。
農米莊
地址：旺角豉油街68號地下（顯示地圖）
營業時間：星期一至日 7am-3am
座位：約50個
價錢：每位約＄70
查詢：2320 5890
備註：不設加一服務費，不接受信用卡
延伸閱讀
【自助餐放蛇起底組】2016最新酒店Buffet 即開生蠔+炭火乳豬+茅台雪糕
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
