深入古法國 尋找隱「細」秘景@新活時報Miss Sunny

(Presented byVichy)

秘景，其實就係鮮為人知嘅「隱細」同「隱世」靚景，只要細心去探索，即使係好似法國呢種發展成熟嘅旅遊大國，依然隱藏咗唔少絕色秘景！今次就由Miss Sunny我深入尋找古法隱細之美，從另一個角度感受法國，除了會走到令人驚嘆嘅古老城堡之外，仲會去到一個法國古城，嗰度擁有連法國國王路易十四都大讚、既可以飲用又可以用嚟護膚嘅溫泉水，絕對值得一去！

依山而建的隱「細」天空小城

享受旅遊，仲喜歡從另一個角度去欣賞世界美景。今次Miss Sunny發現南法普羅旺斯，有一座依山而建嘅超懷舊天空之城──石頭山城Gordes，小城內嘅小鎮約有2千名居民居住，而大部分建築於中世紀時代興建，充滿古舊氣息，跟北部繁華城市相比又會有另一番風味！

中古時期的驚「細」堡壘

遠睇呢座山以為係一座普通嘅山，原來入面有個小鎮，叫做雷伯鎮Les Baux-de-Provence。整座山居高臨下，喺古時代易守難攻，到了依家，雷伯鎮反而成為極有特色嘅石頭堡壘山城，據說早在千年前以人手將一舊一舊嘅石搬上山而建立，所以早在中世紀經已有人類居住，到依家變成特色小村落，大家仲可以喺度歎到法國餐。呢條千年村落，處處都充滿中古時期嘅氣息。

鮮為人知的隱「世」溫泉小鎮

法國除咗有好多中古遺留落嚟嘅建築值得去欣賞之外，鮮為人知嘅溫泉文化原來都好值得留意，依家好多人都會去日本、台灣浸溫泉，其實早在5世紀時，法國貴族已經會到位於中部嘅隱世VICHY溫泉古城，以泉水美肌活膚，甚至作皮膚治療！呢度嘅VICHY溫泉水在17世紀已經有文獻記載其舒緩、鎮靜、抗炎等功效，就連君主路易十四都選用作為御用泉水！直到今日，呢度仲可以享用溫泉水療同埋喺city hall免費飲用天然溫泉水，絕對值得一試！