【母親節懶人包】冧掂貪靚媽咪攻略 @JETSO文

聽日母親節梗係要好好孝敬媽咪啦！咁先唔會辜負佢懷胎10月，再加365日全天候養育之恩嘛！仲未準備好？今次我JETSO文，捨己為人，同大家開心「些牙」我為母親大人傾力籌備嘅節目。如果你媽咪都係同我嗰個一樣，仲懷有一顆少女心，又姿整又貪靚又有生活態度，咁你就要mark實我去邊喇！

第1站：

Missha

我老豆唔係姓宋，無解嘅，全因阿媽追嗰套《太陽的後裔》追到天昏地暗，平時仲要照顧一家大細，真係唔勤啲保養都做唔到宋太太！做足功課，問到靚女同事話Missha有款產品「美思超拱辰韓方護膚系列」，用珍貴藥材融合現代科技研製，等媽咪肌膚回復18、22咁年輕。帶埋佢去，仲有專業專櫃姐姐推介，一定搵到啱心水！

第2站：

wishh!

仲有其他韓國護膚品、化妝品想要？一於去wishh!買埋佢哋返屋企！全部貨品由韓國直接入口，媽咪咁忙飛唔到過去，一次過就搞掂晒啦！

第3站：

大棧

要keep住個樣唔只係外在嘅功夫，身體入面嘅保養都好重要，平時媽咪煲咁多靚湯，今日等我……買番啲養顏補品，等佢內內外外都可以咁靚！大棧嘅燕窩同冬蟲夏草經過嚴格挑選進口，絕對係搶手貨，質素一定有保證！

第4站：

海天堂

行街行咗咁耐，應該有少少攰，一於入海天堂食盅龜苓膏！一嚟可以坐低唞下，二嚟龜苓膏夠滋補養陰又解毒，係咪好細心先？無論食同買，都要令到媽咪成為全世界最靚嘅女人！

第5站：

Shimmernet

小休一陣，力氣又返晒嚟，又係時候血拼啦！做好內外嘅滋潤，都要化個靚妝，令自己更加明艷照人，先可以入得廚房，出得廳堂。快啲同媽咪盡情去掃貨啦！

第6站：

Happy walking

媽咪一兼多職，又要買餸煮飯，照顧一家人起居飲食，更要keep fit瘦身，周圍瓹窿瓹罅，無對好嘅鞋點得？Happy walking有駐場美國註冊足科矯形師，透過詳盡嘅足部檢查評估，幫呀媽揀番對靚鞋，仲唔健步如飛！

第7站：

Maxcare

嚟到最後1站，亦都係我今個母親節嘅重頭戲，真正準備嘅禮物。燈燈登凳……就係按摩椅喇！媽咪平時不單止要為個家周圍撲，為屋企人搵盡全城最好嘅，仲要做埋家務，真係好辛苦。有張按摩椅喺屋企隨時都可以舒緩疲勞，坐喺度煲劇更加正！

叫得做Jetso文，講咗咁耐，都一定有Jetso先分享俾大家。呢一連串咁貼心、好似為一眾索媽度身訂做嘅checkpoints，全部喺領展全新旗艦商場－黃大仙中心搵到！喺即日至5月8日，只要你有消費，憑電子收據正本，就可以即時同媽咪影張免費家庭相，整埋張DIY證書送俾媽媽，表揚佢對全家人嘅貢獻！

消費滿$400或以上，仲有其他免費美容體驗，想知係咩？即clickhttp://goo.gl/WPG7xc

地址：

黃大仙中心南館：黃大仙正德街103號（顯示地圖）

黃大仙中心北館：黃大仙龍翔道136號（顯示地圖）

（港鐵黃大仙站B3出口）