窮人恩物?! 觀塘$16 炸雞髀薯條 + $10下午茶試食報告 |觀塘有咩好食|
廣告
上星期，一張看似平平無奇嘅下午茶皇牌配搭：炸雞髀薯條 係facebook瘋傳，點解？因為實在太便宜喇，一個正常大小嘅炸雞脾+薯條包埋涼粉冰居然只售 $16蚊！有傳咁平嘅下午茶餐只係觀塘工業區限定，真係觀塘上班族福音，又等本刊記者同大家試試係咪咁物超所值先！
觀塘$16 炸雞髀薯條 +$10下午茶試食報告！
正當筆者滿心歡喜諗住去咬雞髀嘅時候，一坐低望望個餐牌，不幸的時情發生了，原來咁抵食嘅下午茶餐款式係每周限定，而炸雞髀拼薯條只限四月中嘅一星期，今星期就只有豬扒包餐。雖然一心只想食雞髀，但豬扒包餐聽落都算抵食，都同大家試試啦！
$16嘅下午茶餐實情係每周精選，每次只限定一款！
賣相無雞髀薯條咁驚喜，但豬扒都算幾大塊，紅豆冰份量正常，紅豆蓉都幾多！
總結：雖然食唔到雞髀薯條，但其他下午茶餐同樣大件夾抵食，觀塘友可以考慮下做長期飯堂！
百喜
地點：觀塘鴻圖道55號地下C室（顯示地圖）
營業時間：7am – 7:30pm (星期一至五)；7am – 6pm (星期六); 星期日休息
以為$16蚊下午茶餐低處無得再低？少年你太年輕了！沿住同一條街再行落去，有一間素食店，居然有$10蚊嘅香菇麵餐（係包飲品！），因為實在太平喇，所以店家都限定每位堂食客人每人只可以叫一個$10蚊餐，唔通做一個蝕一個？又等我哋試試！
香菇麵駕到，份量正常，食落似福字麵，香菇香味足，正常！
同事試既呢個滑蛋素腸多士，雖然睇落伏伏地，但味道同樣係正常，$21嚟講，無前者既$10蚊早餐咁誇，但都接受到！
一心素食
地點：觀塘鴻圖道30號鴻圖樓3樓（顯示地圖）
營業時間：11:30am – 10:15pm(星期一至日)
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
