Coldplay演唱會驚見兩對情侶即場求婚 網民反應兩極 有人怒斥：好唔尊重
廣告
英國搖滾樂隊Coldplay已於周二（8日）及三（9日）在啟德體育園順利舉行「Music of the Spheres」演唱會，明天（11日）及周六（12日）將舉行最後2日演唱會。而在昨日（9日）第二場演唱會中，竟然分別有2對情侶即場求婚！不過，對於在演唱會中求婚的行為，有網民就表示不認同「睇show求婚真係好影響其他人」、「好似有啲唔尊重表演者」。
Coldplay演唱會驚見兩對情侶即場求婚
昨晚（9日）有網民在Threads上分享影片，樓主寫到「感動到喊住聽Coldplay唱Yellow之餘，竟然仲可以近距離見證埋人哋求婚」；而短片可以見到，當Coldplay唱到名曲《Yellow》時，有事線受阻區坐位觀眾見證有人即場求婚，1名身穿牛仔外套的男子單膝跪地，向身旁的女友求婚，為她戴上戒指，周圍有部份觀眾被這一幕吸引眼球，拿出手機拍下這一刻，鏡頭後亦聽到有觀眾興奮大叫。
另一邊廂，有企位觀眾就在Coldplay表現《Fix You》時求婚，1名黑色外套男子單膝跪地，向身旁的紅衫女友求婚，引起企位一眾觀眾歡呼叫囂。二人擁抱親吻後，隨即向周圍的觀眾鞠躬多謝。
網民反應兩極 有人直指不尊重表演者
不過對於在演唱會中求婚的行為，網民們就此兩極意見，有人表示「好幸福」，亦有人認為「唔尊重表演者」
支持求婚行為
有部份支持演唱會求婚的網民表示：「幾sweet，琴日我哋就坐喺佢哋正後方，本身分到呢個區域好sad但係佢哋真心make my day」、「喺返自己個位度求婚非常好」、「恭喜可以揾到志同道合既另一半」、「祝福久久啊」、「今日求婚場？ 恭喜！」、「好幸福啊」。
反對求婚行為
不過有不少反對演唱會求婚的網民表示：「睇show求婚好核突」、「強烈不建議演唱會途中求婚，之前五月天演唱會都有粉絲求婚，結果搞到人地演唱會延遲又要罰錢」、「睇show求婚真係好影響其他人，就算對當事人幾有意義都好，都唔關附近既人事，人地入場只係想enjoy the show」、「我真係唔buy睇show求婚」、「睇演唱會求婚就算冇阻住人，都好似有啲唔尊重表演者」、「極討厭此行為」、「騎劫 concert」
圖片來源：Threads@kellyanhui、[email protected]
