新人慘遭婚攝公司臨時甩底 稱1理由取消預訂仲咁做 網友鬧爆：攞景定贈興呀

婚禮前夕遭婚攝公司取消預訂

事主在Threads上發文公審婚攝公司，她表示早於預備婚禮時就已經預訂了該間婚攝公司，然而到「大日子」前一日竟受到婚攝公司的通知，表示婚禮日原來撞上另一場婚禮，要求事主取消預訂，「前一日先同我講你double book，你話另一pair難攪，所以焗我要讓步」。結果令事主臨急臨忙、千辛萬苦才找到其他攝影師代替，「對新人嚟講絕對係惡夢」。

婚禮完結後，事主再聯絡該間婚攝公司商討賠償，仍然婚攝公司竟然提出「影家庭照」作賠償的要求；事主理所當然拒絕要求，只接受賠償金錢，然而婚攝公司又再討價還價只肯賠一半，事主迫於無奈接受。未幾事主在Instagram上見到該間婚攝公司發帖，寫道「順利完成」並恭喜另一場婚禮的新人，忍無可忍的事主決定發文公審婚攝公司：

「見到呢個post 對我地係二次傷害，你就順利完成，我就big day前一日食唔安坐唔落。生意你可能有好多，但我地big day 只有一個，我地冷靜但絕對唔等於原諒！！！」

網民一面倒鬧爆婚攝公司

帖文發佈後隨即引起網民熱烈討論，網友一面倒力撐事主，紛紛指責該間婚攝公司「無恥到極」、「仲咁理直氣壯夠膽死賠一半真係幫佢出名啦」、「做臭個行業，開名開得好」、「乜鬼嘢呀仲要賠得一半？即係佢當日收咗1.5份錢喎！有無搞錯呀！仲要話另一對新人難搞，仲等人哋寫埋利是畀佢！好鬼衰啊，呢啲人生意真係做得唔會長遠 」、「乜L野叫另一pair難攪要你地讓步啊cls，呢個世界惡就大哂啊？ Double book唔係賠唔賠錢既問題啦屌，有膊頭既人至少即刻幫你地搵其他攝影師啦，賠錢仲要淨係賠一半，真係蝦到你哋上心口喎」、「咩事呀？咩賠一半？佢嘅錯要你承擔，又唔幫手搵人頂，分分鐘搵唔到人咁點，佢地係咪傻L左？佢唔係以為會冇人知？」、「點解係賠一半呀？無出現仲好意思收錢」、「個Story攞景定贈興呀」。

婚攝公司發出道歉聲明仍惹公憤

事件經發酵後，該間婚攝公司隨即於其社交平台貼出道歉聲明，透露公司在察覺訂單上留意到排程出現衝突，已即時致電向事主致歉，並退回訂金及額外賠償訂單一半的金額，同時承諾會深刻反省這次失職事件，並會加強內部管理，確保類似問題不再發生。

然而，縱使婚攝公司已對事主道歉，網民仍然紛紛怒斥「應該全數賠償啦，咁不負責任」、「真係有悔意就唔會事後若無其事出個story話順利完成」、「比人揚左咪深感愧疚」、「恭喜你哋公司～出名了～全行都知了」、「婚禮界垃圾」。