有片｜觀塘大叔踩場挑釁後生仔惹爭執因1事展開追逐卻重摔在地

Mar 10 2025

近日網上瘋傳一段球場上爭執影片。有位大叔疑似未有訂場，擅自闖入球場「踩場」，挑釁一群在場內踢波的青少年，雙方發生爭執及肢體衝突，大叔試圖搶奪1名年輕人的手機時意外摔倒。相關影片發佈後，引起網民熱烈討論，不少人狠批大叔「大蝦細扺死」、「做咩要蝦細路」。

公園爭執：大叔與年輕人的對峙

近日有網民在Facebook群組「On9 Memes 4.0」以「據說，班靚仔book咗場（有場紙），阿叔踩場…口角…再加上自己撲倒」為題發佈影片，據悉事發於觀塘秀茂坪曉明街遊樂場，1名穿著黃色外套的大叔疑似未有訂場，擅自闖入球場對著一群有訂場並在場內踢波的青少年「踩場」。片中見到，該名大叔正與一群青少年發生激烈口角，大叔質疑他們沒有合法訂場，隨即有位身穿紅色T恤的男生拿出手機展示訂場記錄，明言「Book咗場」、「個場咪我哋㗎囉」、「去管理處問囉」，大叔挑釁說「book咗場就你㗎嗱？」，隨即被後生仔反駁「book咗場唔係我哋唔通係你㗎？」。

踩場有位大叔疑似未有訂場，擅自闖入球場「踩場」，挑釁一群在場內踢波的青少年。（圖片來源：FB@On9 Memes 4.0） — 有位大叔疑似未有訂場，擅自闖入球場「踩場」，挑釁一群在場內踢波的青少年。（圖片來源：FB@On9 Memes 4.0）

踩場（圖片來源：FB@On9 Memes 4.0） — （圖片來源：FB@On9 Memes 4.0）

踩場該名大叔正與一群青少年發生激烈口角，大叔質疑他們沒有合法訂場，隨即有位身穿紅色T恤的男生拿出手機展示訂場記錄。（圖片來源：FB@On9 Memes 4.0） — 該名大叔正與一群青少年發生激烈口角，大叔質疑他們沒有合法訂場，隨即有位身穿紅色T恤的男生拿出手機展示訂場記錄。（圖片來源：FB@On9 Memes 4.0）

大叔聽後情緒變得激烈，步步緊逼紅恤男生要仔細睇手機，「book咗咩時間攞來睇下」，此時突然間大叔伸手想把手機搶走，雙方發生輕微肢體衝突，有人大叫「喂！唔好搶嘢！唔好攞手機！」大叔聞言隨即轉移目標想捉住1位黃衫男生。雙方展開短暫追逐，大叔衝刺不果，結果自己拌倒摔在地上，引起現場大聲哄笑。大叔摔倒後，沉默了約2秒鐘，才緩緩掙扎著站起來，顯得相當疼痛。

踩場突然間大叔伸手想把手機搶走，雙方發生輕微肢體衝突，有人大叫「喂！唔好搶嘢！唔好攞手機！」（圖片來源：FB@On9 Memes 4.0） — 突然間大叔伸手想把手機搶走，雙方發生輕微肢體衝突，有人大叫「喂！唔好搶嘢！唔好攞手機！」（圖片來源：FB@On9 Memes 4.0）

踩場大叔聞言隨即轉移目標想捉住1位黃衫男生。雙方展開短暫追逐，大叔衝刺不果，結果自己拌倒摔在地上，引起現場大聲哄笑。（圖片來源：FB@On9 Memes 4.0） — 大叔聞言隨即轉移目標想捉住1位黃衫男生。雙方展開短暫追逐，大叔衝刺不果，結果自己拌倒摔在地上，引起現場大聲哄笑。（圖片來源：FB@On9 Memes 4.0）

馬上睇片

網民狠批大叔自取其辱

影片引起網民熱議，不少人怒斥大叔自取其辱「人哋book咗場就咪同啲小朋友拗啦，咁大個人一啲尊嚴都無」、「拳怕少壯仲要人多又自己理虧」、「做幾十年人做到咁樣嘅」、「諗起古惑仔」、「大蝦細扺死」、「做咩要蝦細路」、「我自己都60歲，但見到香港越嚟越多呢啲老而不死，真係替香港難過」、「唔可以恃住年紀大就可以搶人電話先得嫁，靚仔都要尊重，部電話人地嫁嘛」、「講真，班靚仔咁多人喺度都算比足面你」、「其實人地有場紙都仲去踩真係好仆X，您覺得您落到黎無波踢好慘，人地一大早去排隊BOOK嫁」。

亦有不少網民取笑大叔「而家啲靚仔真係好人，瞓咗喺度都冇人執雞」、「人哋都叫你去管理處問，證明人哋有book場啦⋯⋯」、「阿叔，而家成個場你仆晒喇」、「非常好、姿勢一流！應該加個尼瑪碌就正」、「佢用身體來證明自己有仆……book場」、「無啦啦盜壘都有既」、「現場解釋左咩叫『book場』同『仆場』」、「仆得好，真係大快人心」；另外有網民貼出龍珠meme圖，以取笑大叔仆倒的姿勢。