中年好聲音3｜劉洋勇奪96分最高分 網民竟嫌1個致命缺點：唔會buy佢

海兒激讚「感情與技巧的完美混合體」

周國豐指歌曲結構簡單，加上歌詞重覆，極考劉洋如何演繹出感情、歌唱技巧的層次感：「對於作為評審，最正係我哋好多時睇參賽者表演，會戥佢驚、戥佢擔心，但剛才嗰3分幾鐘對我嚟講，係享受緊一個表演者嘅表演咁，根本唔覺得比賽緊。」海兒激讚為「感情與技巧的完美混合體」：「我唔覺得佢係想做一啲技巧出嚟譁眾取寵，或特登咇感情出嚟令大家感受啲咩，好純粹去唱心中所想。佢唱咁澎湃嘅歌，我都唔會覺得太多，仲會想聽下一首、再下一首！」

向來感性的肥媽則讚他如同演員投入角色一樣，唱出當中的感情：「用心唱歌係感動到對方，理解歌詞而去投入，而唔係話一定要畀人飛過先唱得到，好似拍戲投入角色，你係做到出嚟。」

網民嫌他1個缺點：看不到明顯的進步

雖然5位評審一致地給出高分數，但賽後討論，網民嫌他1個缺點：「劉洋是很會唱，這點無庸置疑，但唱到現在，根本就沒有驚喜也看不到明顯的進步，but 評審就是 buy 他！挑戰他唱華語以外的歌曲，丁丁做得到，他就做不到嗎？」

網民批唔唱廣東歌

不少網民亦指：「從來冇驚喜！演繹永遠一樣！」、「少少變化都冇，睇到有d悶囉，希望佢下次可以加入少少新意啦」、「佢一日唔唱廣東歌，我一日都唔會buy佢」。