港女遊樂場玩掟彩虹 代幣掟中紫色大獎 卻被判「砸界」 沒有獲獎

掟彩虹擲中大獎區卻不予獲獎

樓主在Threads上以「心在滴血 佢話擲底界…」為題發佈1張相，見到樓主擲出的代幣剛好落在紫色大獎圈內，上下位置均有明顯紫色縫隙，左右兩側就看似剛好踫到黑色邊界，代幣和中獎區域被一個透明膠箱覆蓋著，相信是用「VAR」幫助判獎，惟店員就認為代幣觸碰黑色底界，以「砸底界」為由不予以獎勵。

帖文發佈後引起網民熱烈討論，有網民放大照片仔細觀察，發現代幣右邊似乎稍微觸碰到黑色界。樓主就回答稱，當時店員曾向她表示「如果砸近啲個彎位就中（獎）」，所言判定此代幣未能獲獎；然而，她對職員判決存疑，遂貼出照片交由他人評理。

網民反應兩極

大部分網民都認為樓主「唔好彩」，「你撞正個非常謹慎嘅Staff」、「佢話砸就砸，話事權喺佢度」；不過有部份網民認為店員太嚴苛「玩呢啲同直接送錢無咩分別」、「咁完美，咁都無中？」、「叫佢示範吓個位咁細，可以點唔砸界」、「有幾可可以掟到入最細嗰個圈，呢啲位咪俾人贏囉，人哋開心自然會再嚟玩，（為）一個大公仔幾百蚊無咗個客，都唔明為乜」、「員工都係打份工啫，使鬼幫公司慳咩」，亦有人揶揄「有人中大獎，負責嗰個同事係咪要扣人工㗎？」、「掂到少少都唔得，唔講以為頭獎係iPhone 16 Pro」、「如果咁都唔計，真係以後唔好去」、「緊得過份咗喎，轉場吧！」；另外亦有部份網民認為樓主確實沒有中獎「有無另一個角度嘅相，個幣有厚度，垂直影有輕微誤差，要打斜睇個幣底先得」、「藍（紫）獎呢個位係設計啱啱好，真係（中）個幣上面唔應該有空位」、「係掂到，上面仲有咁多紫色」。

此外，有部份網民建議樓主作出投訴「可以試吓去官網聯絡個客服上訴，我覺得應該叫中」、「呢個都砸界，咁無可能有人擲中，支持樓主報警」、「上年已經有人同你一樣情況而報警，一報警，經理即話中獎」