港人花$1800淘寶自動麻雀枱 收貨驚見只得1樣嘢 事主嬲爆店家就咁解釋
廣告
淘寶購物雖方便，但偶爾也會出現令人啼笑皆非的「中伏」經歷。近日有位港男在社交平台Threads分享了一段爆笑故事，事關他的媽媽花了$1,800在淘寶購買了一部「全自動麻雀機」，結果收貨時卻只收到1隻刻有「八萬」的麻雀牌，他嬲爆聯絡店家，但對方的解釋居然獲網民讚好！
港人淘寶$1800買自動麻雀枱 收貨驚見1隻「八萬」
近日，有港男在Threads發文表示媽媽再淘寶以$1,800買了一部全自動麻雀枱，不過支付金錢後居然沒有任何物流信息，再之後就突然收到通知指貨物已送至智能櫃：「但係佢送到嘅嗰個地址並唔係我哋報嗰個而係去咗一個智能櫃」因此港男就此感到疑惑：「邊度有咁多位俾你擺部麻雀機入去，部機分分鐘大部過成部智能櫃喎」結果打開智能櫃，發現包裹只有手掌大小，裏面更只有一隻「八萬」麻雀牌：「一打開x你老味八萬，笑到企唔穩」。
店家咁解釋 網民表示理解!
事後港男向賣家查詢，對方解釋指全自動麻雀枱雖然全國包郵，不過就不包括香港，但由於事主母親沒有取消訂單，而按淘寶系統要求「未取消訂單」必須寄出貨物，因此店家就寄了一隻麻雀牌，最後賣家同意全數退款，樓主則笑言「賺咗隻八萬返嚟」。事件引發網民熱議，有人更將帖文截圖傳給賣家求證，店家回應稱「發這個八萬是因為還沒有確定好沒有正式發貨的，因為這個麻將機也屬於大件的嘛，我們這邊也不能隨便發的」，令一眾網民表示能理解店家的動機：「熟悉淘寶嘅我表示，係廠家出唔切貨，以前會發一個空包喺系統交住功課先，呢間好人啲，送八萬出去」、「其實佢d concern都reasonable」、「用$1800換到八萬，師兄你算著數 」
圖片來源：XHS示意圖、Threads@simonlam2020、Threads
