大叔上巴士因1事命令司機停車 惹全車乘客鼓譟掀激烈對罵

巴士上的衝突：一場不尋常的要求

有網民在Facebook群組「車cam L（香港群組）」以「自己唔等埋老婆就上車先，然後就話司機」為題分享該段影片，片中見到1名身穿黃黑色外套的大叔站在司機位旁邊揚言「你咪報囉，我真係唔X驚，報警咪報囉」，引發車上乘客一種鼓譟。據悉，事發於1架263號九巴，當時巴士駛至屯門安定邨巴士站，片中大叔上車後，要求司機停車等候其妻子上車，惟司機不願意服從而引起雙方爭執。

此言一出後馬上引起車上大量乘客不滿，紛紛指責「收下啲火！老人家要收下啲脾氣，收下啲火，唔好郁啲又鬧人」、「你老婆仲走緊嚟，你就走上車，你就唔啱啦！」，大叔聞言駁稱「我咩唔啱啊，我叫佢（司機）等一等我咁都唔啱？」，更聲稱自己同樣是巴士司機「我都係揸巴士嘅，佢揸得咁X衰！」結果卻遭乘客反嗆「你等咩啫？你唔好上車，你應該喺個站等個老婆，等佢上埋先上車。邊個叫你走上車啫？你揸巴士你就唔啱啦，你咁樣點揸巴士，如果你揸巴士累死人」，但大叔一再強調「我覺得我啱晒，我話走緊嚟等一等……佢話鍾意報警咪由佢報警囉。我揸咁X耐巴士我一定會等喎，唔會咁衰」。

隨後，有乘客批評「唔好騷擾司機揸車啊」，大叔辯稱「我無騷擾佢」，又反問「架車係唔可以大聲講嘢㗎？」、「佢呢啲就害死人啊，中途停車，交通意外就係呢啲啊」。爭執持續數分鐘後，巴士司機再度開車，但大叔又再指責司機「不顧乘客安全」，而大叔的妻子至此仍未上車。直到巴士駛到兆麟苑站，大叔選擇下車，與此同時聽到疑似司機道歉「唔好意思啊咁多位」，乘客們則歡呼「落咗車好，安靜晒！」

網絡上的熱議：批評與人情的探討

影片被廣傳後，引起網民熱烈討論，不少網民批評大叔離譜「正自私X」、「正宗香港刁民！」、「阻住地球轉」、「報警啦！阻住成車人」、「呢啲X頭等巴士公司出律師信告佢阻礙巴士班次，慢慢同佢計數，巴士影響咗正常班次損失幾多民事追討，睇下仲有冇呢啲X頭夠膽玩嘢」、「錯都仲要理直氣壯咁，人無恥便無敵」、「咁把炮坐的士啦」、「個個都學你咁，天荒地老都未到站」。