獅子山隧道驚現婆婆慢步走 熱心司機停車助解圍 網民卻反應好兩極

獅子山隧道驚現婆婆步行

片主在Threads上發佈該等影片，片中見到獅子山隧道公路上有位婆婆往沙田方向步行，片主見狀隨即收慢車速，慢駛靠近了解，「阿婆行得快一定有古怪，出獅子山隧道無耐就見隧道職員行緊，心諗一定有古怪，然後見到阿婆行緊」，片主隨後讓婆婆上車，直接送她到寓所樓下；片主解釋「當時見到婆婆攞住X光片，擔心佢喺醫院走出嚟，有唔開心嗰啲，所以當時就停低睇吓咩事」。

他隨後透露，婆婆因為腳部病痛而到播道醫院覆診，之後打算坐巴士回大圍寓所，但不小心早了一個站下車。當時婆婆曾打算截的士，但公路上沒有司機願意停車接載，所以無奈下選擇回家，結果卻意外走進公路範圍。片主最後表示「存好心，做好事，希望幫到身邊人可以健康生存。」

網民反應兩極

短片曝光後，隨即引起網民熱烈討論，不少網民大讚片主好人好事「你真係好好人，多謝你嘅善舉」、「人生真係好短，做一些好人好事，一定要讚！」、「好人一生平安」、「日行一善，此間有你真好」、「支持好心人做好事！社會健康和諧」，而片主謙虛地回覆「世界上仲有好多好人，我做嘅嘢只不過係微塵中既微塵，微不足道」；不過亦有網民認為非常危險，擔心公路上貿然停車會引發意外「我唔覺得你做緊好事！如果你係善心人直接送路人去安全地方，或者送他去警處明白嗎？假好心，可能後面俾你害到有交通意外」、「公路這樣停車接人，又增加另一樣安全危險，後面車停不到，撞埋嚟，幫人變害己害人」，另外亦有人批評片主的意圖「想威就想威啦微塵」、「做好人唔使擺晒片上嚟嘅，似想做名人多啲囉」