港女搭飛機被拒登機 發文公審地勤態度差 網民一面倒鬧爆橫不講理

事件經過與當事人反應

事主在Instagram及Threads上發文哭訴，她指當日和朋友準備乘搭香港快運航空前往日本東京，她其實有提早到機場吃東西及處理少許公事，誰知開會超時而令她無法準時到達登機閘口，「點知個meeting delay咗，搞到要極速飛奔去閘口」，當她抵達閘口時發現距離起飛時間只剩下10餘分鐘，閘口附近已沒有任何乘客，心知不妙的她見到登機機門及連接通道仍未關閉，立即向地勤解釋遲到原因及詢問可否登機。

可惜地勤最終拒絕她們登機，並指下一班航班已滿客，要求事主和朋友購買另一航班的機票；而正當二人上網找其他航班時，事主聽到自己的託運行李仍未找到或卸下，存有一絲希望的她再請求地勤容許登機，「點知佢係用一個態度勁差嘅語氣講『唔得喎，因為你哋遲到囉』，真係好想錄低佢，佢個語氣就好似我係佢仇人咁」。事主自知無法讓她們登機是道理，「冇人情講」，但對地勤的態度深感不滿「我真係黑人問號？究竟你經歷咗啲咩，心情可以咁差，咁對我講嘢？關我咩事，唔畀我上機咪唔畀囉，點解我仲要俾你西？你唔幫我之後可以點做都算，個下真係感到委屈想喊。」

事主透露，這次是她們第一次無法登機，經歷過這一次才知道即使上不到機又補買另一張機票，其實都要再入境、拿行李、辦理登機手續及出境，字裏行間之間帶著不滿的情緒；她續指，之後有另一位地勤人員帶她們走流程，她沿路詢問「可唔可以直接幫我哋tran行李去下一班機」，結果仍遭拒絕，但她覺得這位地勤態度明顯較好，「佢仲話如果係佢會照畀我哋上機，所以真係睇當時地勤做法」，感覺想盡力幫助她們。

事主其後在留言區補充，該地勤解釋要從機上卸下託運行李的工作主要由其他公司負責執行，如果要介入工作就必須寫報告，會造成麻煩，希望她們諒解；最後，事主二人乘搭另一航班先飛往名古屋，到達後再轉車去東京。

網民反應與公眾討論

帖文發佈後隨即引起網民熱烈討論，不少網民一面倒批評事主推卸責任「都唔知呢個世界幾時遲到變咗應分，全部人等佢，仲要好意思覺得人唔幫佢」、「最憎啲人咁遲上，要成架機等佢，啲staff又係咁叫名搵佢製造麻煩畀人，你估人哋好想offload行李咩」、「達唔到自己目的就話人態度差」、「幫你係人情，唔幫你係道理，飛機唔係巴士小巴，唔係話開番就開番，人哋都係跟程序做嘢，咁都要俾人公審」、「如果班機因你遲咗起飛，俾機場罰錢係咪你畀」、「其實你上唔到機人哋都有好多嘢要處理㗎，阿X客。自己on X仲要人好態度？你瞓X醒未啊？」、「仲有10分鐘起飛唔代表入客入到剩番9分59秒呀」、「上唔到機就係態度差？大聲唔代表我冇禮貌。你要做嘢自己問題你懶人地做咩？你地應該冇發現boarding pass 下邊果句係由20分鐘改左做30分鐘呢，就是因為你地呢班人成日遲到，遲推機，又出post 想圍爐取暖，結果自己X。我相信你話人太差之前，絕對係機口發癲黎」