內地男遊港食Five Guys 不滿店員唔識廣東話怒斥被迫講英文

內地男不滿快餐店不懂廣東話

近日有名內地男在「小紅書」上以「又一城唔講中文的Five Guys」為題發文，控訴美式連鎖快餐店Five Guys又一城分店的店員不懂廣東話，只能用英文溝通，「講粵語係沒用㗎，只能講英文」，造成他的不便。他表示，店中2名店員都不懂廣東話，連取餐叫號都是用英文，形容「真係有點離譜囉」；他附上一張收據，見到他點了一份110元的漢堡包餐，他原本以為用廣東話可以短時間内點完餐，結果卻變成用了5分鐘說英文，更揚言以後不會再去用餐。

樓主在留言區補充表達其不解「我喺香港講官方語言廣東話，點解店家聽唔明？」、「唔通我入韓國餐廳就要識韓文，印度餐廳就要識印度話？」、「他們在香港做生意卻一個講粵語的都不請，反而要大多數粵語人遷就他們講英語，你們不覺得搞笑咩」。

網民反應兩極

帖文發佈後隨即引來網民熱烈討論，有不少網民都批評樓主小題大做「我平時排隊啲人外地嚟都係this this this都無問題，點解去到你度就有問題」、「香港唔會英文又食五條友係極少數，即you are the outlier啦（你是異類）」、「其實香港那麼多餐廳，你為何要執着於Five Guys？你看不明白可以不去這家，還有別的漢堡包店，總有一家可以讓你舒適地光顧」；另有網民指出，Five Guys店內有中文餐牌和自助點餐機，「Five Guys有中文餐牌，你唔想講英文咪指個中文畀店員對住嚟落單，何必為難人哋服務業」、「其實又一城Five Guys門口有2部點餐機有得揀中文，有咩好嘈，人哋餐牌有埋圖，指畀人睇咪得囉，本地人住咁多年都冇講啲乜」、「其實可以叫人幫你叫，再唔係可以用軟件翻譯」。

不過亦有部份網民支持樓主的觀點「確實，請一個會講廣東話的也不難，咱下次不來這家吃了，除了薯條，別的都很難吃又貴貴的」、「你去港島甚至有一堆店家明明能說粵語偏要說英文」、「真係接受唔到香港做前線唔識廣東話」、「英文唔好所以一直不敢進Five Guys」。