名牌袋女唔啪卡咁樣做 疑似整壞閘機 顯示紅色大交叉 網民嘲：深山野人？

名牌袋女「攝爛」港鐵閘機

有網民在Facebook群組「清濤苑清河邨&祥龍圍」中，以「竟然將八達通『攝』入單程票入口，整壞部閘機，仲賴架機食咗佢張八達通，鬼殺咁嘈，要求即刻開機，拎返張八達通畀佢」為題發帖。該網民表示，事發於周三（19日）早上上水港鐵站，準備入閘乘搭港鐵時意外目擊到這一幕。帖文中附上影片，片中見到1名孭着名牌手袋的中年女子，站在閘機前不發一言，鏡頭隨後見到該閘機螢幕顯示著紅色大交叉，並標示「車票失效，請往客務中心」；留言區中附有幾張照片，見到有港鐵職員打開閘機，把八達通取出並交回該女子手中。

港鐵回覆表示，事發於周三（19日）早上約10點40分，1名乘客誤把八達通放入單程車票票槽，導致閘機出現異常而未能成功出閘；車站職員隨後到場協助，成功取回八達通，而涉事閘機亦恢復正常運作。

網民笑爆：只怕豬一樣的隊友

帖文發佈後，隨即引起網上熱烈討論，不少人奇怪竟然還有人不懂使用八達通，「機面咁大個八仔Logo都睇唔到，唔識用又唔睇下左右啲人點用，仲要整壞人地部入閘機……」、「揹著名牌都唔識用？」、「深山野人吖？？唔識用八達通」、「乜料呀？外太空黎架，唔識用又識去買，點解唔係直接買車飛呢？」；另外亦有網民嘲笑她「不怕神的對手，只怕豬一樣的隊友」、「八達通攝得入部閘機，指力不凡」、「真正高手在民間」。