TVB

TVB一線男星獲離巢藝人分享相處經歷勁讚超Humble超Nice 網民認同:有家教修養

影視娛樂

廣告

近日有一位已離巢TVB的前藝人在社交網分享了一篇帖文,當中大讚TVB入邊有一位一線男星為人「超Humble超Nice」,雖然文中並冇開名,但都畀足貼士,讓網民能夠輕易估到係邊位一線男星!

前TVB藝人 勁讚「TVB男主角」超Humble超Nice

這位前藝人是在2022年離巢TVB的梁百川(Patrick),他日前在社交網分享自身在TVB時的經歷,寫道:「TVB入邊有個男主角超Humble(謙遜)超Nice(友善),我最行衰運嘅日子,冇咩特別好紀念,唯獨有一個禮拜工作係幾開心。我有一個禮拜客串,同呢個男主角做戲,但拍劇通常九成時間係等,大家服裝車等,本應好尷尬,但佢好主動撩我傾偈,傾音樂、傾經歷、傾廢話,傾咗一個禮拜,日日都好主動。」

TVB 梁百川(左)畢業自2017年第29期TVB電視藝員訓練班,曾演出《愛回家》,亦客串過不少劇集,於2022年離開TVB,現已轉行做命理KOL。(圖片來源:IG@pat_lpc)
梁百川(左)畢業自2017年第29期TVB電視藝員訓練班,曾演出《愛回家》,亦客串過不少劇集,於2022年離開TVB,現已轉行做命理KOL。(圖片來源:IG@pat_lpc)

畀足貼士:佢最近啱啱拍完《魷魚遊戲2》

這件事原來還有後續,梁百川感嘆:「本來咁小事,我諗佢都唔會記得,但之後撞到都會打招呼,成日會見佢鼓勵後輩,冇咩架子,好人唔係特別多,最記得係佢。」雖然冇開到這位「TVB男主角」名,但最後梁百川都畀足貼士話:「唔開名啦,但知佢最近啱啱拍完《魷魚遊戲2》。」一講這句,大家都估到係講緊同《魷魚遊戲2》主角李政宰撞樣的譚俊彥(Shaun)!

TVB 譚俊彥(右)有「港版李政宰」之稱。(圖片來源:Netflix、IG@tammerz)
譚俊彥(右)有「港版李政宰」之稱。(圖片來源:Netflix、IG@tammerz)

網民認同:佢老竇教出咗一個好品格嘅人

網民都紛紛認同譚俊彥的確好Nice,更分析認為係家教原因,但都似乎對他的演技有微言:「譚仔?佢演技如何我唔評論,但為人真係相當好同有禮貌!」、「似乎係阿Shaun,佢都話佢老竇好嚴又道理王,加上佢聽教,或者咁樣就教出咗一個好品格嘅人。Btw,其實佢演技都唔係話差,可能演得唔夠放。」、「家教修養,佢自己都話狄龍細個對佢好嚴,好似有講過會困佢入狗籠,又會打到佢仆街」、「佢可以開拓多D戲路 唔駛成日苦口苦面咁」等。

TVB 網民分析認為譚俊彥家教好,全因有個嚴父狄龍。(圖片來源:IG@tammerz)
網民分析認為譚俊彥家教好,全因有個嚴父狄龍。(圖片來源:IG@tammerz)
TVB 不過現在譚俊彥現在自己做人父,就成為了一個「廿四孝爸爸」,對住仔仔一副冧樣。(圖片來源:IG@tammerz)
不過現在譚俊彥現在自己做人父,就成為了一個「廿四孝爸爸」,對住仔仔一副冧樣。(圖片來源:IG@tammerz)

譚俊彥兒時曾被爸爸狄龍罰與惡犬共困狗籠半小時

常被外界稱呼「星二代」 的譚俊彥,曾在TVB節目《爸爸的告白》中,透露年幼時因太頑皮,曾經被爸爸把他與惡犬共囚狗籠半小時做懲罰,令他驚到發燒。

多年後,爸爸狄龍談及此事,他表示深感內疚,指這件事是他心中一道疤痕,更向兒子譚俊彥道歉謂︰

「係爸爸唔啱!其實我後來都了解到用呢類壓力式方法去改變一個人,只會令佢驚,但唔會令佢了解到事情嘅真相。」

最終,兩父子終冰釋前嫌。

TVB 譚俊彥童年被狄龍困狗籠(圖片來源:IG@tammerz)
譚俊彥童年被狄龍困狗籠(圖片來源:IG@tammerz)
TVB 2021年, 譚俊彥憑《換命真相》首奪最佳男主角,仍被狄龍不停在鏡頭前教訓,教導兒子要謙虛﹗(圖片來源:TVB)
2021年, 譚俊彥憑《換命真相》首奪最佳男主角,仍被狄龍不停在鏡頭前教訓,教導兒子要謙虛﹗(圖片來源:TVB)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會2025一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:IG@pat_lpc、Netflix、IG@tammerz