蔡雪敏曬勁凍齡慶生相唔似就「入五」 孖20歲女合照獲激讚似姐妹！
廣告
現年46歲嘅蔡雪敏（小雪）2000年出道，並先後推出3張EP，而佢於2001年與歌手漢洋推出嘅歌曲《其實我介意》更唱到街知巷聞，不過蔡雪敏隨後就於2004年宣布結婚後兼淡出娛樂圈。經歷咗3段婚姻嘅蔡雪敏現時與細4年嘅韓籍老公，以及與兩位前夫所生嘅一對仔女定居澳洲，亦不時在社交平台曬出日常照，近日蔡雪敏曬出慶生嘅照片更引來網民連環大讚……
蔡雪敏超凍齡靚樣唔似就「入五」
蔡雪敏近日在社交平台曬出慶祝生日嘅靚相，相中蔡雪敏以淡妝示人，但係凍齡絕佳狀態就獲唔少網民大讚保養得宜：「完全唔似要入五」、「點做到越睇越後生？」、「好似25年前見你係呢個樣，25年後又係呢個樣」、「到底點keep㗎，點解可以咁逆齡？」、「睇落仍有唔少骨膠原」、「淡妝已經將你的美麗完美展現」。
蔡雪敏曬與20歲女合照超驚艷
除咗曬出慶生靚相外，蔡雪敏在社交平台其實仲曾分享過與20歲女嘅合照，其少女感十足嘅狀態更引來唔少網民激讚睇落根本就係兩姐妹：「女都20歲……你還是我20年前讀書時候的模樣」、「家姐就差唔多！」、「似家姐多過似兩母女」、「看封面就是右邊的女生20歲」、「天啊你才20吧！」
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：ig@elle_choi_、TVB、網上圖片
