鄭嘉穎鐵馬家族

鄭嘉穎終極回應「鐵馬家族」不和傳聞無奈呻：呢個話題都好煩擾

Feb 11 2025

廣告

TVB劇集《鐵馬尋橋》於2010年播出，當中有份參演嘅鄭嘉穎、馬國明、唐詩詠、黃嘉樂及林子善更因此劇結緣兼組成「鐵馬家族」，並不時在社交平台曬出聚會嘅照片。不過繼「大哥」鄭嘉穎以「浪費時間」言論回應缺席「二哥」馬國明婚禮後，「鐵馬家族」是否不和嘅傳言就成為唔少網民關心嘅話題。近日鄭嘉穎孖老婆陳凱琳出席活動時，就終極回應此事……

鄭嘉穎5字終極透露與「鐵馬家族」關係

鄭嘉穎近日與老婆陳凱琳齊齊現身活動，2人事後接受訪問時就再度被問到繼續缺席「鐵馬家族」聚會一事，鄭嘉穎對此就表示：「其實友誼嘅嘢就好簡單，大家唔好搞到咁複雜先」、「唔係話出唔出席有啲活動呢，就代表係唔妥或者唔好嘅。」

鄭嘉穎隨後又稱「呢個話題呢我覺得都好煩擾，即係年幾都係講緊呢樣嘢，我覺得都差唔多要停。」並重申「我哋係冇不和，大家唔使擔心，即係只不過係每個人嘅選選擇啫，即係有啲夾唔夾得啱」兼呻唔係所有嘢都需要擺上互聯網先代表有做。

鄭嘉穎鐵馬家族鄭嘉穎近日出席活動時再度回應與「鐵馬家族」不和嘅傳聞，除咗表示並冇不和外，亦直言對話題感到煩擾。（圖片來源：youtube@Viu1 HK） — 鄭嘉穎近日出席活動時再度回應與「鐵馬家族」不和嘅傳聞，除咗表示並冇不和外，亦直言對話題感到煩擾。（圖片來源：youtube@Viu1 HK）

鄭嘉穎鐵馬家族「鐵馬家族」今年照舊於新年時舉辦聚會，今年更有與馬國明合拍賀歲片《麻雀女王追男仔》嘅高海寧現身，不過具就獨欠「大哥」鄭嘉穎嘅身影。（圖片來源：ig@kennethmkm） — 「鐵馬家族」今年照舊於新年時舉辦聚會，今年更有與馬國明合拍賀歲片《麻雀女王追男仔》嘅高海寧現身，不過具就獨欠「大哥」鄭嘉穎嘅身影。（圖片來源：ig@kennethmkm）

鄭嘉穎鐵馬家族「鐵馬家族」去年過年時同樣有聚會，不過當時「大哥」鄭嘉穎並未出席。（圖片來源：ig@kennethmkm） — 「鐵馬家族」去年過年時同樣有聚會，不過當時「大哥」鄭嘉穎並未出席。（圖片來源：ig@kennethmkm）

鄭嘉穎鐵馬家族馬國明與湯洛雯結婚時亦未見鄭嘉穎夫婦出席。（圖片來源：ig@kennethmkm） — 馬國明與湯洛雯結婚時亦未見鄭嘉穎夫婦出席。（圖片來源：ig@kennethmkm）

陳凱琳落力舉例為老公澄清

孖住鄭嘉穎現身嘅陳凱琳亦火速為老公解畫：「因為我依家做緊social media，咁好多時我做content creator我都覺得好似每一個生活點滴都要分享」又透露鄭嘉穎會提醒自己分享要有限度：「佢有時都會同我講有啲嘢你可能都要保留住個privacy。」

鄭嘉穎鐵馬家族陳凱琳亦火速為老公解畫，並表示鄭嘉穎都有提醒自己分享要有限度。（圖片來源：youtube@Viu1 HK） — 陳凱琳亦火速為老公解畫，並表示鄭嘉穎都有提醒自己分享要有限度。（圖片來源：youtube@Viu1 HK）

不過鄭嘉穎隨後又突然無奈表示：「都幾得意嘅，我覺得有交朋友都好似搞到下嫌疑犯啊，搞到好大件事，好似尋兇咁，點解呢」連陳凱琳都忍唔住在旁連環表示「冇嘢嘅其實，冇嘢嘅」安慰老公鄭嘉穎。

鄭嘉穎鐵馬家族不過鄭嘉穎隨後又突然無奈表示交朋友搞到好似嫌疑犯啊咁，連身旁嘅陳凱琳都忍唔住連環表示「冇嘢嘅其實，冇嘢嘅」安慰老公。（圖片來源：youtube@Viu1 HK） — 不過鄭嘉穎隨後又突然無奈表示交朋友搞到好似嫌疑犯啊咁，連身旁嘅陳凱琳都忍唔住連環表示「冇嘢嘅其實，冇嘢嘅」安慰老公。（圖片來源：youtube@Viu1 HK）

將來還有什麼演唱會值得留意？

有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！

香港有甚麼週末好去處推介？

香港18區都非常值得花時間好好探索，一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞

鄭嘉穎鐵馬家族陳凱琳馬國明

撰文：東方新地圖片來源：youtube@Viu1 HK、ig@kennethmkm