中環新開意式Gelato雪糕店！奢侈品牌合作店＋11款口味招牌和牛牛油

中環意式Gelato雪糕店L’antico Gelato 各大奢侈品牌合作店

中環最近連開多間Gelato雪糕店，近日鴨巴甸街又多一間「L’antico Gelato」！品牌源自意大利米蘭，來港後經常與不同奢侈品牌合作，例如Fendi、Miu Miu、林寶堅尼等。最近終於在中環開設實體店，主打11款每日鮮製Gelato，包括人氣開心果、威士忌、紅酒車厘子、柚子等，由靚仔外籍店員招待客人，更可以免費試各款口味，設堂食及外賣，大家又多間雪糕店可以試了！

11款口味Gelato！期間限定沙棘＋海苔和牛牛油

店內供應11款自家製Gelato，除了有經典口味如人氣開心果、雲呢嗱、72%朱古力外，也有期間限定口味，最近就有白桃威士忌、沙棘、海苔和牛牛油等，自選一球$58、兩球$78、三球$88。記者私心推薦和牛牛油口味，雪糕質地柔軟稠滑，食落鹹鹹哋，有陣陣的牛油香氣；沙棘口味雪糕真是很少見，食落酸甜清新，好refreshing！另外仲可跟配多款可愛造型toppings，好似熊貓、熊仔等，個個都忍不住先打卡！