大S徐熙媛逝世｜回顧31年演藝生涯 《流星花園》爆紅後靠主持奠定地位

大S徐熙媛逝世｜17歲憑一曲打響名堂

大S於17歲時出道，並以一首〈十分鐘的戀愛〉一炮而紅。大S隨後與妹妹徐熙娣（小S）以組合「S.O.S」發行唱片，更於1994年至2010年間發行唔少歌曲，可惜最後因涉及不同法律等問題被禁止出版有聲品。

大S徐熙媛逝世｜《流星花園》董杉菜一角紅遍亞洲

大S於2001年男子偶像團體F4合演台劇《流星花園》，並於劇中飾演董杉菜一角。大S更憑此角色紅遍亞洲兼入圍金鐘獎最佳女主角獎，而由大S所出演嘅董杉菜更成為經典，係唔少觀眾心目中嘅女神！而除咗《流星花園》外，大S出演嘅《轉角＊遇到愛》及《泡沫之夏》等同樣係風靡港台嘅劇集之一！

大S徐熙媛逝世｜轉戰主持界靠綜藝節目奠定地位

雖然與妹妹小S嘅組合無法繼續於音樂界發展，但2人並就未有因此受到影響，並繼續姊妹檔拍住上，以「ASOS」名義轉戰主持界。大S主持嘅綜藝節目《我猜我猜我猜猜猜》和娛樂新聞節目《娛樂百分百》均大受歡迎，成功打造好口碑之餘更奠定了2人在娛樂圈嘅地位。