尖沙咀靚裝泰越餐廳MAMTOM全新$80午市套餐｜包前菜＋主菜/甜品

尖沙咀海傍靚裝餐廳MAMTOM $80午市套餐包前菜/主菜/甜品

位於尖沙咀海傍的泰越酒吧餐廳MAMTOM，室內環境充滿異國風情，天花掛滿波波燈，設户外露天座位區域，環境好chill。餐廳最近新推出抵食午市套餐，$80就可以歎齊自選前菜、主菜，及優惠價+$18追加甜品，每日12nn-3:30pm供應，以超值價錢享用精緻泰越菜。

前菜6選1！推介招牌春卷＋香辣雞翼

前菜方面，可從6款中自選1款，包括有招牌春卷、香辣雞翼、自家紅咖喱配扁平麵包、青木瓜沙律等，記者最喜歡炸米紙春卷，加入越南香草、魚露，外皮香脆，口感豐富；香辣雞翼外皮酥脆，鮮嫩多汁，佐以泰國辣椒、香茅、大蒜、青檸、芫茜，酸辣惹味！

主菜5選1！另可優惠價升級招牌越南牛肉河粉配牛骨髓

主菜5選1，想飽肚點可以揀泰式羅勒雞免治配白飯雞蛋、雞肉碎紅咖喱炒飯、牛肉炒飯；另外清爽一點可試炸青木瓜及豆腐配茉莉香米或米粉，外酥內軟，清新爽脆，比較特別的一款。另外想食得豪華豐富點，也有升級優惠，例如+$118升級冬陰功粉絲湯、+$138升級試招牌越南牛肉粉，再加$58仲可以跟配牛骨髓。招牌越南牛肉湯粉的湯底經過24小時慢煮而成，濃郁的牛香，每口都鮮甜香醇，好正！甜品也有優惠，只要+$18就可以歎到椰子Gelato或榴槤雪糕或炸香蕉。