新年好去處2025｜德福廣場4大餐廳喜慶菜式推介！中菜/西餐/甜品全部都有齊
餐廳「新」推介1.｜利苑
新年食好啲！利苑集團多年來累積達101顆米芝蓮星，新年推出發財團年春茗套餐，融合一貫優質粵菜烹飪技巧及藝術，炮製精緻而又富有心思嘅菜式，包括：發財好市北菇生財、紅燒菜膽月勾翅、乾坤多寶魚等料理。每一道菜背後都象徵對未來嘅展望，象徵財富、喜慶及團圓；充滿濃厚嘅節日氣氛，與各位同事一齊食好啲，共度農曆新年！
利苑
地址：德福廣場1期1樓F2號舖
電話：2331 3306
*座位有限，敬請提早預訂。
餐廳「新」推介2.｜Beans荳子
其實新年都唔一定要食中菜嘅～Beans都推出咗能夠同成班同事聚首一堂享用嘅美食，立即睇睇有咩啱食啦！象徵年年有餘嘅「香煎石斑魚柳 • 蜜糖芥末醬」特別選用嫩滑石斑魚柳，配單香濃幼滑鮮忌廉薯蓉、菠菜以及醃漬紫洋蔥；集合甜、酸、辣於一身嘅料理！食完生意一定蒸蒸日上！
想尋找一道與中菜「橫財就手」差不多嘅菜式，亦不妨試試「德國炸豬手」！香口惹味之餘，連埋煙肉薯仔及酸菜一齊品嚐，無論大人小朋友都食唔停口～當然唔少得叫埋Beans皇牌意粉「蟹膏甲羅燒黃金蟹肉意粉」，鹹蛋黃忌廉醬加上滿瀉嘅蟹膏甲羅燒，香濃入味，金黃色嘅外表睇落矜貴又有派頭！
餐廳「新」推介3.｜b.o.t.h. by Texas Burger
一班同事大快朵頤開年，當中一定會有個食肉獸！B.o.t.h. Eatery獨家「法式慢煮五香脆皮焗鴨 配烤蔬菜焗薯角」，特別選用1公斤台灣米鴨，慢煮至外脆內嫩，食落啖啖肉，超滿足！加埋特調香草青柑橘燒汁，微酸口味令人特別開胃，味道層次超豐富！此外亦大力推介埋「費城芝士牛排三文治」，不但選用受認證安格斯牛肉，肉汁爆滿；搭配蘑菇、紅椒及美式意大利芝士等食用，微辣口味更能突顯獨特風味！
再叫埋餐後甜品，就perfect池～香口清甜「美式焗蘋果肉桂卷」，喺遠處已經聞到陣陣肉桂香及酸甜爽脆嘅蘋果，味道超match！
餐廳「新」推介4.｜Terrace in seaside
提到開年梗係唔少得把握同同事們一齊打卡啦～韓式餐廳Terrace in seaside 推出一連串與蛇年相關嘅精緻餐點，不論係味道或外型都滿分，為各位提供視覺+味覺雙重享受！
講到韓國菜式一定會先記起紫菜飯卷！「鮑鮑高昇飯卷」選用口感彈牙嘅鮑魚，連埋香辣泡菜醬一齊食用，食落層次豐富之餘又開胃～
顏色亮麗兼橙紅色嘅柿子，啱晒農曆新年嘅氣氛！必食「蛇年喜有柿你窩夫」包含外脆內軟嘅窩夫、表面淋上濃郁香甜嘅柿子醬、鮮果及奶油，啖啖都感受到幸福溫暖感覺！
當然唔少得叫埋店內特色飲品解解膩～融合天然果香及清新綠茶嘅「柿事連連柿子綠茶」，完美比例打造出獨一無二嘅口味；加埋綿密香滑嘅奶蓋，新一年立即充滿活力喇！鍾意咖啡嘅你，可以order「橘子咖啡」！以香濃咖啡為底，加入爽甜橘子口味，清「新」體驗一試難忘！
Terrace in seaside
地址：德福廣場1期1樓F11號舖
電話：2463 3100
(Presented by 德福廣場)
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
