美孚爆紅巴斯克芝士蛋糕車輪餅！芝士麻糬拉絲餡＋開心果巴斯克蛋糕

Jan 17 2025

美孚車輪餅小店「車輪餅小姐」最近在IG爆紅，店主非常有創意地將原件巴斯克蛋糕加入車輪餅做餡，再加埋麻糬拉絲，芝士味濃郁軟滑，加上麻糬煙糯的質感，勁打卡，成功在網絡上瘋傳掀起熱話！

美孚車輪餅小店爆紅巴斯克蛋糕車輪餅！

車輪餅小姐是一間位於美孚新邨的街坊小店，主打即叫即製車輪餅和巴斯克芝士蛋糕。最近店主搞搞新意思，將兩者結合，把原件巴斯克芝士蛋糕放入車輪餅做成內餡，再加入煙韌麻糬，巴斯克的軟滑芝士配上麻糬的煙韌軟糯，搣開即拉絲，邪惡度十足，無論製作畫面抑或是口感都相當澎湃！

車輪餅（圖片來源：poorjjfoodie） — （圖片來源：poorjjfoodie）

澎湃口感！雲呢嗱巴斯克芝士蛋糕車輪餅

小店招牌車輪餅共15款口味，包括流心雲呢拿籽吉士麻糬、 Oreo金莎朱古力麻糬、流心宇治抹茶吉士麻糬（特濃版）、斑蘭咖央椰子吉士麻糬、流心開心果吉士麻糬等，而巴斯克芝士蛋糕車輪餅暫時只有雲呢嗱巴斯克麻糬口味（$28）。雲呢嗱巴斯克芝士蛋糕嚴選澳洲cream cheese、紐西蘭忌廉、馬達加斯加籽製作，雲呢嗱味香濃自然，芝士味濃郁軟滑，口感似食雪糕一樣。而這款變奏版的車輪餅外脆內軟，蛋香味濃，加埋原件巴斯克蛋糕做夾心，咬落爆漿，口感細膩，整個組合配搭非常之夾，不過一件已經好飽膩。另外推介開心果味車輪餅或巴斯克蛋糕，兩者選用100%純美國開心果醬製成，開心果味天然香濃，開心果控要試！