TVB中佬男團出道歌引熱議 網民嘲似賣保險勁尷尬 寧願睇呢1位
平均55歲男團Hey Brother賣力跳唱
「Hey Brother」籌備過程超過兩年，除了推出了首支單曲《我為人人》外，組合更預告會推出更多新歌、安排演唱會，及齊齊拍攝由李思捷編監導的新片。雖然60歲曹永廉、57歲黃智賢、55歲唐文龍、56歲麥長青和50歲李思捷年齡加起來已經達到了278歲，平均年齡55.6歲，但他們在MV中也落力演出，更以西裝Look大跳群舞，不過鏡頭中見到其餘四人一臉正經，只得黃智賢全程忍唔住笑，而唐文龍更被指面容乾瘦，嚴重走樣。
網民反應兩極 「麥B」多人撐
網民對這隊中佬男團反應兩極，有網民大讚歌曲有正能量，更親暱地稱呼企C位的「麥包」麥長青為「麥B」，又指由《閃電傳真機》開始已聽Ben哥哥同麥包唱歌，對這隊5人組合非常支持，但也有網民不滿MV中成員鏡頭分配不平均，直指：「麥長青、李思捷鏡頭略太多，特別是麥長青，其餘三子好似變成大配角。」
有網民狠批MV勁尷尬 寧願睇魏駿傑
然而，也有不少網民狠批「Hey Brother」新歌MV「成首保險佬主題曲咁」、「你不尷尬，尷尬的就是觀眾」、「無論歌詞定舞蹈都好Kam 好老土」、「睇佢地跳嗰陣我有少少擔心佢地會拉親chok親，畢竟平均年齡都55歲」、「以為賣緊關節骨骼產品」、「好有廣場舞嘅feel」、「唔買保險thx」等。
有網民就開po直指：「我知道佢會好尷尬，但係我冇諗過佢可以尷尬成咁！」更有網民搵出2004年《棟篤神探》中魏駿傑帶領保險團隊在天台跳唱的片段作比較，引來不少人都大讚魏駿傑跳得仲好：「識時務者型好多」、「呢團好好多喎」、「呢個團如果真係出道嘅話，我真係追㗎，唔係講笑！」
《棟篤神探》魏駿傑保險團隊跳唱片段：
Hey Brother《我為人人》：
相關文章：TVB再組超強男團 平均年齡55歲 網民睇好超越Super Tiger及LOONG 9
將來還有什麼演唱會值得留意？
有不少歌手宣布舉辦演唱會，小編為你整合了香港演唱會2025一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
