東張西望｜逆子大話被踢爆兼曾「冒警」! 下海養母不離不棄含淚剖白原因
Winnie突然現身當面對質
《東張西望》繼續跟進事件，主持林映輝訪問Jason期間，Winnie突然現身並與Jason當面對質，大爆他曾說出大逆不道的說話：
「爸爸住院6個月，親戚嚟到，你就蒲一蒲頭！爸爸住咗6個月，你冇去睇，你話爸爸有錢有棺材，冇錢冇棺材。」
Winnie更指責他連爸爸的殮葬費都沒有支付。對此，Jason突然要求養母Winnie降低音量，否則中斷訪問「我唔採訪啦，如果再係咁！」
二人各執己見
主持林映暉指出，二人所說的版本大為不同，此時Jason就表示自己「我有證有據喺度嘛」，但儘管面對著兒子的種種指控，Winnie仍堅持要求收回遺產：
「你拎咗400幾萬，你話百幾萬係遺產稅，而家你又話300幾萬，所以我點解要鬧你打你？我點樣養你、點樣下海做嘢你都知！」
Jason指自己沒有獨取遺產，又指爸爸阿明給她的100萬是想撇清二人關係。
Winnie又立即澄清，指自己建議阿明放售土瓜灣的單位來籌龐大的醫藥費，更提及當爸爸被施打強心針時，Jason當時竟然當場問哥哥：「爸爸啲錢要點分？」惟Jason又再次否認，並出示一張款項為32萬9千元的單據，力證自己有繳付爸爸的殮葬費。
Jason強調不會念養育之恩
Winnie透露想取回遺產，但Jason「唔肯」。主持林映暉問他：「如果唔係呢件事，之前你係諗住爸爸嘅遺產係會畀佢？」Jason表示「有想過」：「一直都有諗過，但佢打完我之後，我就唔會啦！」
主持繼續問他的想法是怎樣，Jason續說：「應承咗我爸爸嘅親戚照顧細佬結婚囉，其他就冇㗎啦！」
Jason突然轉口風表示「冇諗過」要分錢予養母Winnie，他表示由頭到尾都沒想過要把遺產分給她。除了Winnie在他叔叔出殯當日出手打他這個原因外，之前阿明重申已給她100萬元，所以不會給她分毫，並表明不會念Winnie的養育之恩， 也不承認與Winnie存在母子關係。
Jason被揭「冒警」
Jason向家人及遺產管理人的宣誓中曾表示自己的職業為「警察」，Winnie出示證據證明，Jason則解釋由於當時Winnie不斷滋擾，故聲稱自己做警察來敷衍她，Winnie直指Jason「冒警」：「佢由頭到尾都係冒警！冒警係有罪㗎！」
Winnie仍視Jason為兒子
Winnie被問到是否還將Jason當作兒子時，她表示會繼續視Jason是自己兒子。Winnie雖然大感心痛，養出一名忤逆子，更心痛力斥「佢真係畜生不如，真㗎……」
不過，她無奈承認這是出於基因問題，因為他生父阿明同樣都是「無情無義」的人，但因為自己與Jason有感情，所以仍然會當他是兒子，主持林映輝也聽到眼濕濕。Winnie哽咽表示：
「始終我同佢有感情， 佢點樣衰法，我都係認佢做仔㗎，佢曾經叫我做媽咪幾十年，我個心唔會好似佢咁樣㗎。」
