港鐵耳環男爭輸座位竟坐男童腿上 囂張反駁「我唔係男人咁點呀」惹熱議

港鐵座位爭議事件詳解

有網民在Facebook群組「黃埔人•紅磡人•土瓜灣人」上載影片，片中一名身穿黑色外套、一邊耳戴著耳環的男子懷疑因在落馬洲站上車時，被一名小孩捷足先登而發爛渣，竟然直接坐在小童身上；其行為立即引起現場乘客的強烈反應，其中一名女乘客勇敢地站出來質疑男子的行為，直斥「你係咪男人嚟㗎？」，此時男子囂張駁稱「我唔係啊！咁點呀！」，並用粗言穢語反罵女乘客「乜Ｘ嘢呀，豬Ｘ！」、「講Ｘ完未啫，嘈Ｘ完未啫！」。不過女乘客並未因而退縮，指責男子「你咁大個男人蝦個細路仔！」，豈料男子仍一臉不屑地說「咁又點啊，我責Ｘ住佢咩，佢有無受傷啊！有無受傷！」

二人一來一回地持續爭執，突然間男子轉身指著該小童大聲說「喂，你坐正啲啦，唔好坐正中間，一係你畀人坐！你畀人坐！」，嚇得小童坐立不安。此時該男子的妻子加入爭吵，並指示其女兒向小童方向「坐埋啲」，看似要迫走小童般。男子其後坐在關愛座上，據悉二人一直爭執，直到到達下一站有位婆婆上車，小童讓出位置後爭執才告一段落。

公眾反應與社會影響

影片發佈後引起網民熱烈討論，不少人都對男子的無理取鬧表示憤怒「好肉酸，男人老狗同小朋友爭位坐。」、「最正係 問佢係咪男人，佢答唔係。」、「呢個Ｘ樣大庭廣眾都咁樣，如果冇人睇住，佢可以更Ｘ街。」、「真係最怕遇著呢啲無賴，推佢上東張啦！俾我就報警要求驗傷，等差佬黎同佢玩。」、「佢老婆都唔慌好人啦，同佢個老公一齊鬧個小朋友嘅阿媽，明明佢老公坐住咗個小朋友就唔啱啦……」、「個女D同學一定笑足佢成個學期，有D咁既父母…」「其實白衣女士唔使勞氣，唔使嘈，即報警，話小朋友受傷，有人證，車Cam，食硬個死傻佬!」