富二代男星跟足周潤發幫襯《黑白大廚》餐廳 主廚安成宰冇做1事勁尷尬
廣告
Netflix早前熱播嘅烹飪真人騷《黑白大廚：料理階級大戰》在本港大受歡迎，當中擔任評審嘅安成宰更係韓國唯一嘅米芝蓮三星主廚，而佢在香港開設嘅餐廳亦隨之爆紅，就算想一嘗美食，預訂都要排足3個月！而安成宰嘅人氣更引來國際影星周潤發現身幫襯，而TVB富二代男星都緊跟發哥嘅步伐，不過似乎有啲尷尬……
周潤發現身幫襯安成宰
安成宰主廚於本地開設嘅餐廳Mosu人氣爆燈，就連周潤發都係座上客之一！近日安成宰主廚就在其個人社交平台曬出與發哥嘅合照，更配文向發哥示愛：「永遠的大哥，我愛你周潤發」而安成宰更在現場向發哥表示自己來港開餐廳係因為對方，更稱自己由細到大都係睇發哥嘅電影！
富二代男星緊跟發哥步伐
安成宰主廚嘅廚藝除咗引來周潤發幫襯之外，就連富二代陳浚霆都緊跟發哥嘅步伐！陳浚霆於安成宰主廚曬出與發哥嘅合照後，隨即亦在其社交平台曬出與安主廚嘅合照，更配文表示好榮幸可以有機會見到對方。雖然陳浚霆在照片中標註了安成宰主廚，不過對方就似乎冇回應，就連安主廚嘅社交平台都未見與陳浚霆嘅合照。
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
撰文：東方新地圖片來源：ig@chandrew117、ig@sungmosu、ig@mosuhongkong、ig@kooloban
