有片｜女子拉大行李喼搭扶手電梯 遭大叔撞開惹罵戰險釀人踩人

一男一女扶手電梯上激烈口角

影片中可見，身穿粉紅色毛衣、白色外套的女子在扶手電梯上拖著一個白色大型行李箱，上方放置了一個白色行李袋，佔據了扶手電梯的半邊空間；據片主所稱，片中身穿藍色外套的大叔試圖從空隙經過，不慎撞到女子，引發雙方激烈口角。大叔說了句「叫個阿姨『死開』兼撞到佢」，女子對此感到不滿並回罵道「撞咩啊？我手上面揸住嘢㗎」。

隨後大叔變得情緒激動，爆粗怒斥女子，甚至出言不遜，「係咪想打啊妳？」、「妳女人八婆嚟㗎」。這場爭執導致電梯出口處一度擁堵，後方市民包括推嬰兒車的夫婦都無法順利通過，場面一度十分危險。有網民在留言區怒斥雙方差點引致「人踩人」意外，片主都表示當時十分驚險「嘈交唔緊要，唔好塞住條路，我差啲跌死」。

馬上睇片

網民反應熱烈 怒斥雙方均有錯

事件引發網上熱議，不少網民對於雙方的行為都表示強烈不滿「阿嬸抵X，完全冇安全意識，你都見到佢拎大件嘢，但落電梯企喺度？當後面嘅人透明」、「嗰條電梯好短咋，而且見到咁大件行李，都唔差在十幾秒啦，咁都要撞開」、「差啲炒車搞到人踩人」。