波仔新出一叮即食花生醬西多士！記者自創新食法 究竟好唔好食?
廣告
波仔新推出花生醬西多士，喺屋企都可以即刻食到西多啦，即刻買咗盒嚟開箱實測！叮完打開微波爐個下已經聞到好香，賣相亦相當不錯，內餡仲有濃厚的花生醬，但就略嫌唔夠酥脆，唔知大家會唔會買嚟試下呢？
#3點3今日食乜好：波仔新推邪惡花生醬西多士！
波仔推出花生醬西多士，同茶餐廳差唔多嘅size，而且賣相亦唔錯！產品即日起於波仔及部分惠康有得買，一盒售價$30。
味道：
波仔花生醬西多士微波爐叮1分半鐘就食得，仲附送糖漿，非常方便，size有手掌咁大，西多內餡是香濃花生醬，但蛋味和脆度就差少少，不過勝在夠厚身；記者推介加牛油和雪糕一同享用，更加邪惡！
價格：
花生醬西多士售價$30/盒，勝在夠大份，缺點係唔夠香口且食落質感比較軟身，以微波爐食品而言性價比尚算OK，但都係茶餐廳抵食同好食啲。
評分：3.6/5
波仔花生醬西多士要$30/盒，內餡花生醬豐富，賣相不錯，不過味道比較單一，如果好似記者加牛油和雪糕，就更加滋味，層次更豐富，貪方便買來試都無妨！
- 花生醬西多士
- 價錢：$30/盒
- 售賣點：各大波仔及部分惠康
- 波仔地址詳情按此
關鍵詞
新品速遞
圖片來源：（圖片來源：Facebook@WeekendWeekly）
