香港運動員月薪最低7,130元 港協楊祖賜1理由堅稱無問題：佢哋無咩嘢要使錢

楊祖賜於節目中　肯定港運動員

楊祖賜日前在無綫《講清講楚》節目中，表示香港運動員的表現「絕對係被世界尊重」。此次共有 35 位運動員代表香港出戰，其中 20 位是首次參加，但他們的表現並不遜色，顯示出香港的訓練模式和普及程度已經達到一個新的高度。楊祖賜認為，儘管不敢將目前的狀態稱為「巔峰」，但已經在國際賽場上獲得了高度的認可。

回應薪酬偏低問題：應該可以能夠從容地做運動員

楊祖賜亦回應運動員薪酬偏低問題，在香港的「精英運動員計劃」下，成年隊運動員的月薪為 7,130 元，而參加奧運的運動員月薪則為 11,520 元。楊祖賜指出，儘管薪金不算高，和大學畢業生平均兩萬多元相比「唔係好高啦」，但運動員的「教練醫療住宿包晒」，所有配套是「相當高」數字的投資，有其他形式的支持，「嚴格嚟講，佢哋無咩嘢要使錢」，「當你無後顧之憂嘅時間，你嘅集中點會好好多，當係一啲零用錢」，更認為「佢應該可以能夠從容地做運動員。」、「喺無壓力之下做運動員！」

網民狠批：離地到不食人間煙火

一眾網民對楊祖賜的回應都感到相當不滿，狠批他的想法太離地。

• 「香港做運動員就係一個修仙旅程。」
• 「嗯，所有運動員都太陽能充電」
• 「靠光合作用生存」
• 「7千月薪，搭車食飯都無晒啦！仲有啊！體院高層減薪啦！你哋樣樣都是阿公出錢，都應該無咩錢要花費！」
• 「運動員冇老豆老母要養嘅，唔洗比家用嘅！即係窮人就唔可以做運動員嘅！$7130係侮辱！」

（圖片來源： YouTube@TVB (official) 影片截圖）