黃竹坑餐廳最新回應素食Karen風波 特別新增一道素菜獲網民大讚：抽得好！
廣告
早前，一位素食者在黃竹坑一間肉食西餐廳因無法將菜單改為素食而感到不滿，並在Threads上發表了投訴，引發了廣泛的討論，不少網民都直斥這位素食者要求非常過份，紛紛留言嘲諷事主。原本以為事情已告一段落，沒想到近日網傳一樣餐廳的餐牌，Menu上特意增加一款素食，令話題再度引起關注。
餐廳為回應素食要求 疑特別推出新素食
經過一週的時間，該餐廳終於在午餐時段推出了素食選項。餐廳在官方Facebook上發文，以「今期流行椎名林檎」為題，指近日就某食客的要求而特別推出一款素食，這道新菜名為「Karen雜菜北海道咖喱蓋飯」，更特別以Karen英文名為名（Karen除了是英文名，也是美國等英語國家常見的貶稱，是形容自認有權勢或要求超出合理的女士）。
原文：
我們喺港島．南嘅「社區設施」不經不覺都同各位鄰居相處咗差唔多一個月，非常多謝+感激各位街坊嘅認同及鼓勵，我哋絞盡腦汁去研發每日嘅menu，除咗係「愛」同「責任」外，係因為你哋每次對我哋員工嘅讚賞，都會令我哋好意外同好驚喜，同埋令我哋有更有力氣向前行，若說我哋啲出品真係好好就真係談不上，但係我哋覺得為大家提供一個良好嘅用餐體驗係我哋嘅本份⋯⋯⋯只可惜，我哋未能提供素食餐。不過～我哋嘅大廚今個星期會推出一款產品，比想嘗試食素嘅朋友或者今個星期想食清淡啲啦～～嘅朋友品嘗。（我哋嘅午餐會不定期咁轉㗎，總有一款啱你口味，今個禮拜（15/7-21/7）就試住呢幾款先啦）
網民熱烈討論與反應
許多網民都大讚餐廳的新菜單「抽得好」，也再次引來不少網民並在原帖文中留言，提醒事主再去光顧，也留下各式各樣的評論：
- 「Karen 唔係素食者個名，係好似 Nancy 咁係個麻煩友汎稱」
- 「其實餐廳穩陣啲應該連蛋都唔落，如果一陣Karen 係純素者見到蛋又唔開心」
- 「你開心返啲啦，人哋做素食餐啦」
- 「餐廳好識得聆聽顧客需要要求，合晒佢何車啦，仲專登為咗尊重客人，用返客人名字命名」
- 「Karen成功爭取到了！」
圖片來源：Threads資料或影片來源：Threads
