深水埗餃子店「家後」日包3,000隻手工餃 憑巴斯克芝士蛋糕爆紅成街坊愛店
深水埗餃子店「家後」家庭式經營 網民：「呢度好有家嘅感覺」
在深水埗美食臥虎藏龍的地段，有一間小店突圍而出，開業6年的「家後」，是由家庭式經營，老闆阿明一家由布行轉型做飲食業，在飲食界零經驗之下，決定賣老媽子最拿手的手工餃子。起初水餃使用豬骨及排骨作為湯底，生意平平無奇，後來因街坊的一句話：「不如試用老火湯」而轉用赤小豆粉葛湯底，令到今時今日小店大受歡迎。
在香港餃子界中，家後名氣不斷攀升。由開店初期只賣3款餡，直到現在增加至8款，更平均日包3,000隻餃子（都賣晒），數量十分驚人！湯餃$40/8隻、煎餃$44/8隻，價錢非常親民，配埋無味精老火湯，網民形容：「食完家後嘅水餃，好有家嘅感覺。」
引入日本巴斯克蛋糕 一夜爆紅！
老闆阿明的日籍太太曾在日本學做蛋糕，她提出在餃子店內售賣巴斯克蛋糕，驟聽在港式小店內賣日式蛋糕想法奇特，但概念猶如日本拉麵店也會有甜品副線一樣，吃完主食順理成章吃甜品。起初一日只做1-2個蛋糕試水溫，後來反應愈來愈好，高峰時段日做60個蛋糕，即會賣出480件！巴斯克蛋糕均由陳太一人製作，每日除了要照顧小朋友外，更要額外花12小時來製作蛋糕，「好多客人問我哋嘅蛋糕係咪來貨，點解唔叫多啲貨？其實所有都係我太太一個人做晒，加上唔知係咪日本人比較固執，對於產品好執著，所以其實太太比我更辛苦，60個已經係頂盡，不能再多。」阿明心痛地說。
老闆：「希望每個人都試到我哋嘅產品，食完家後，有家聚嘅感覺。」
不少網民說，家後是一家被餃子耽誤的甜品店，不過老闆阿明及太太卻從來沒有競爭感覺，「你鍾意佢嘅甜品，我開心，你鍾意我嘅餃子，我都開心。」阿明希望每一位客人來到家後，都試到自己的手藝，不過有時事與願違，高峰人流會有20-30人在門外排隊，很多時入座後，芝士蛋糕已經售罄。「有時好難取捨，所以客人如果4件、6件咁買，我都會同佢哋講，不如分量減半，希望每個人都食到，食完後有家聚嘅感覺。」
店內其他產品：
- 店名：家後
- 地址：深水埗基隆街211號地舖
- 營業時間：星期一至二及三至日11am-9pm（逢星期三休息）
- 電話：2397 8131
香港18區美食有甚麼推介？
新假期編輯已經為你整合了香港18區美食指，其中包括尖沙咀、旺角、銅鑼灣等……即睇更多詳情。
