服務員上網賣慘求客人體諒服務業 網民拒賣帳狠批：唔好再為自己開脫！

服務業匿名投稿：全行唔少人有精神問題

有人在FB群組「飲食黑店大全」上匿名投稿，指家人從事服務行業，近年壓力極大。「過去呢一兩年情緒有問題，因為好多人拍片影相放啲前線上網投訴，佢而家日日戴口罩返工」，更指出香港X客太多，很容易被投訴「佢話幾好禮貌都冇用，一有X客就會被放上網欺凌，前線除咗精神壓力大，舖頭又有執笠嘅危險，希望大家體諒下服務業，全行都唔少人已有精神問題」，希望港人可以體諒服務業。

網民拒賣帳狠批：你檢討下自己先啦！

然而，不少網民對於事主的賣慘都表示不滿，更直指對方的服務有問題，才會有這樣的下場。

• 「所以做客就應該俾你哋即場欺凌？一睇就知你哋精神有問題」
• 「入去食嘢啫，好似欠左你咁俾哂面色啲客睇，唔係精神有問題係咩？你檢討下自己先啦」
• 「不斷用西客兩個字去幫自己服務差開脫，無錯係有西客，但而家係連正常客都俾你地X，更嚴重嘅係連周邊國家嘅旅客，都X緊香港服務業」
• 「呢支咪傳說中嘅情緒勒索？」

部分網民支持：客人都好有問題！

也有不少網民同意服務費的慘況，認為香港客人都很有問題，「西客之都，點服務都一樣」，也有網民建議事主放鬆心情不要執著，「做服務行業，基本上要放低一些自尊，客人永遠無情，自己處理不到，交回上司解決，不要爭抝，好上司第一時間叫你離開客人視綫，做服務行業是辛苦錢。」，認為最重要是問心無愧，「有禮貌又做得好嘅，何來壓力呢！」、「放上網唔係大晒，我都見唔少放上網反比人X，自己行得正企得正啲話，網友都會撐你！」